Skip to main content

Traditional Food Preparation and Conservation have evolved since the discovery of these techniques. Throughout the years, the Cree have adapted to their environments and learnt care for their food utilizing both the Eeyou and western knowledge. 

ᓘᓰ ᕉᐱᕐᑦ ᐄᓯᓂᐦᑳᓲ᙮ ᐧᒑᓐ ᑳᐧᐋᐱᑦ ᒌᐦ ᐄᓯᓂᐦᑳᓱᔨᐤᐦ ᐅᐦᑖᐧᐄ᙮ ᓲᓯᓐ ᑳᐧᐋᐱᑦ ᒌᐦ ᐄᓯᓂᐦᑳᓱᔨᐤᐦ ᐅᑳᐧᐄᐦ᙮ ᐧᐋᐦᔨᐤ ᐊᓂᑖᐦ ᓅᐦᒋᒦᐦᒡ ᒌ ᐄᔨᔨᐆ ᐹᔓᒡ ᐱᔑᑭᒦᔥᑎᐦᒡ᙮ ᒎᑉ ᐱᓘᐧᐹᐃ ᒌᐦ ᐄᓯᓂᐦᑳᓲᔨᐤᐦ ᐅᓈᐹᒻᐦ ᐧᐋᐱᒫᑯᔥᑑᐦᒡ ᒌᐦ ᐧᐄᒋᒥᑐᐧᐃᒡ᙮ ᓂᔮᔪ ᒌᐦ ᐄᐦᒋᐦᔒᔨᐤᐦ ᐅᑎᐧᐋᔑᔒᒻᐦ ᑭᔮᐦ ᓅᐦᒋᒦᐦᒡ ᒌ ᐅᐦᐱᒋᓈᐧᐃᒡ ᐅᑎᐧᐋᔑᔒᒥᐧᐋᐤᐦ᙮ ᒥᓯᐧᐋ ᓅᐦᒋᒦᐦᒡ ᒌ ᐄᔨᔨᐅᔨᐤᐦ ᐅᑎᐧᐋᔑᔒᒻᐦ᙮ ᑳᐦ ᐊᐧᐋᔑᔒᐅᐧᐃᑦ ᐊᓂᑖᐦ ᓅᐦᒋᒦᐦᒡ ᐱᔑᑭᒦᔑᔑᐦᒡ ᐋᑯᑎᐦ ᒨᔥ ᑳ ᐃᐦᑖᐦᒡ᙮ ᑭᔨᐹ ᑳ ᐧᐋᐱᐦᑎᐦᒄ ᐋᐦ ᐋᔨᒥᓂᔨᒡ ᑭᔮᐦ ᑖᐹ ᐅᐦᒋ ᒥᒥᔖᔨᐦᑎᒻ ᑳ ᐹᒋ ᐊᐧᐋᔑᔒᐅᐧᐃᑦ᙮

Preserving Cree Language and Weather Reading comes from the land. The culture and language coexist and live on in the minds and hearts of people who live their Eeyou identity. Weather reading becomes a natural skill learnt over the seasons with this way of life.

ᓘᓰ ᐧᒑᕐᒡ ᐯᑖᑯᒥᔅᑰᒻ ᐄᓯᓂᐦᑳᓲ᙮ ᓅᐦᒋᒦᐦᒡ ᐊᓂᑖᐦ ᒌ ᐄᔨᔨᐆ᙮ ᒥᓂᑎᐧᐋᑯᐦᒡ ᒌᐦ ᐃᔑᓂᐦᑳᑖᔨᐤ ᐊᓂᑎᐦ ᑳ ᐱᒫᑎᓰᑦ᙮ ᒦᒋᐧᐋᐦᐱᐦᒡ ᐋᑯᑎᐦ ᑳᐦ ᐅᐦᒋᓂᑖᐅᒋᑦ ᐋᐅᑯᓐᐦ ᐊᓂᔮᐦ ᒨᔥ ᑳ ᐧᐄᒋᐧᐋᒑᒡ ᐧᐄᔥᑭᒑᓂᒋᐧᐋᐦᑉᐦ ᑭᔮᐦ ᒨᔥ ᒌᐦ ᐱᐹᒦᐦᑎᐧᐃᒡ ᓂᒧᐃ ᐹᔨᑯᓂᐦᒡ ᐅᐦᒋ ᐃᐦᑖᐅᒡ᙮ ᒨᔥ ᐅᓃᒋᐦᐄᒄᐦ ᒌᐦ ᐧᐄᒋᒫᐤ᙮ ᑖᒥᔅ ᐧᒑᕐᒡ ᒌᐦ ᐄᓯᓂᐦᑳᓱᔨᐤᐦ ᐅᐦᑖᐧᐄ᙮ ᒫᑮ ᐯᑖᑳᒥᔅᑯᒻ ᒌᐦ ᐄᓯᓂᐦᑳᓱᔨᐤᐦ ᐅᑳᐧᐄᐦ᙮ ᒥᐦᒑᑦ ᓂᒥ ᐅᐦᒋ ᐄᐦᑖᔨᐤ ᐧᐄᒋᔖᓂᔥ ᒨᒃ ᓂᔮᓈᓈᐤ ᑳ ᐄᐦᒋᐦᔑᒡ᙮ ᐧᐋᐱᒫᑯᔥᑎᐅᒡ ᒌᐦ ᐅᓈᐹᒥᐤ᙮ ᓈᐅᐧᐃᔨᐤᐦ ᐅᑎᑎᐧᐋᔑᔒᒻ ᐹᔨᒄ ᑳ ᐧᐃᓂᐦᐋᑦ᙮ ᑭᔅᒋᐧᑳᓯᐤ ᑭᔮᐦ ᐋᐦ ᒥᒥᔫᑭᐦᒃ ᐲᐦᑎᑭᒥᐦᒡ ᒦᒋᐧᐋᐦᐱᐦᒡ ᐋᐅᒃ ᐊᓂᔮᐦ ᓃᔥᑎᒻ ᑳ ᒋᔅᑯᑎᒥᐧᐋᑭᓂᐧᐃᑦ ᑭᔮᐦ ᐧᐃᔨᐧᐄᐦᑎᒥᐦᒡ ᒑᐧᑳᔨᐤ ᐋᐦ ᐄᐦᑐᑎᒃ᙮ ᐋᐦ ᓂᑯᐦᑖᑦ ᑭᔮᐦ ᔑᐦᑖᐦᑯᓐ ᐋᐦ ᓂᑎᐧᐋᐱᒫᑦ᙮

ᓵᒥᓯᓐ ᐯᑖᑳᒥᔅᑯᒻ ᐄᓯᓂᐦᑳᓲ, ᐧᐋᐱᒫᑯᔥᑑᐦᒡ ᐅᐦᒌᐤ, ᑖᓂᔨᓪ ᒌᐦ ᐄᓯᓂᐦᑳᓲᔨᐤᐦ ᐅᐦᑖᐧᐄᐦ, ᒣᕇ ᒌᐦ ᐄᓯᓂᐦᑳᓲᔨᐤ ᐅᐦᑳᐧᐄᐦ᙮ ᓂᔮᓈᓈᐤ ᒌᐦ ᐄᐦᑎᔑᐧᐃᒡ ᒫᒨ ᐧᐄᒋᔖᓂᔥᐦ ᐧᐄᔨ ᒥᒄ ᐃᐦᑖᐤ ᔖᔥ ᒥᓯᐧᐋ ᒌᐦ ᐳᓂᐱᒫᑎᓯᔨᐤᐦ᙮ ᐊᓂᑖᐦ ᐊᔮᑎᐧᐄᓂᐹᑯᔨᐤ ᒌᐦ ᐄᔨᔨᐆ ᑭᔮᐦ ᐋᑯᑎᐦ ᑳ ᐅᐦᒋ ᐅᐦᐱᒋᓈᑭᓂᐧᐃᑦ᙮ ᒌᐦ ᓈᐅᔖᐱᐳᐧᓈᓯᐤ ᑳ ᓂᑭᐦᑎᐦᒡ ᐊᓂᑖᐦ ᓅᐦᒋᒦᐦᒡ ᐊᓂᑖᐦ ᑳ ᐄᔑ ᐹᒋ ᐋᐦᑎᐱᒡ ᐧᐋᐱᒫᑯᔥᑑᐦᒡ᙮ ᑖᐹ ᐅᐦᒋ ᐲᐦᒑᐤ ᐧᐄᔨ ᒋᔅᑯᑎᒫᑐᑭᒥᑯᐦᒡ ᒨᒃ ᐊᓂᑖᐦ ᓅᐦᒋᒦᐦᒡ ᒌᐦ ᐃᔨᐦᑖᐤ ᑭᔮᐦ ᐋᐦ ᓂᑑᐦᐆᑦ᙮ ᓂᓈᐦᑭᐤ ᒫᒃ ᒑᐧᑳᔨᐤ ᒌᐦ ᑭᔅᒋᐦᐆ ᐋᐦ ᐅᔑᐦᑖᒡ ᐊᐧᑳᔅᑯᐹᓐ, ᐊᓵᒻᐦ ᑭᔮᐦ ᒑᒃ ᑳᐦ ᐊᑎ ᑭᔅᒋᐦᐆᑦ ᒥᔥᑏᐦ ᒑᐧᑳᔨᐤ ᐊᓂᔮᐦ ᐄᔨᔨᐤ ᐋᐦ ᐄᔑ ᑭᑎᔥᑖᐱᒋᐦᑖᑦ᙮

Moccasins, Canoe and Carvings are all traditional tools that are used at different times of the year. During the spring, summer, and winter, wear loose-fitting moccasins can help you stay cool or warm. Throughout the summer, spring, and fall seasons, canoes are used. Carving is done traditionally to make tools or artwork.

ᓈᓂᓰ ᐯᕐᔅᑭᓐ ᔐᔖᒧᔥ ᐄᓯᓂᐦᑳᓲ, ᒋᓵᓰᐲᐦᒡ ᒌᐦ ᐅᐦᒌᐤ, ᑳᐦ ᐅᓈᐹᒥᑦ ᑏᐧᐋᐦᒡ ᒌᔑ ᐋᐦᑎᐱᐤ ᐧᐋᐱᒫᑯᔥᑑᐦᒡ᙮ ᑯᐧᑖᔥᒡ ᒌᐦ ᐄᐦᒋᔒᔨᐤᐦ ᐅᑎᑎᐧᐋᔑᔒᒻᐦ ᒌᐦ ᓈᐅᔨᐤ ᐃᔥᐧᑳᔑᔥ ᒌᐦ ᓃᔓᔨᐤᐦ ᓈᐹᔑᔥ, ᐹᔨᒄ ᒌ ᐧᐃᓂᐦᐋᐅᒡ ᓈᐹᔑᔥ᙮ ᐦᐋᓈ ᐯᕐᔅᑭᓐ ᒌᐦ ᐄᓯᓂᐦᑳᓱᔨᐤ ᐅᑳᐧᐄᐦ, ᓃᐧᔖᐤ ᒌᐦ ᐅᓈᐹᒥᔨᐤᐦ ᐆᑳᐧᐄ ᐲᑎᕐ ᓃᑳᐴ ᒌᐦ ᐄᓯᓂᐦᑳᓱᔨᐤ᙮ ᒫᒨ ᓈᐅᐧᔖᑉ ᒌᐦ ᐄᐦᑎᔑᔨᐤᐦ ᐧᐄᒋᔖᓂᔥᐦ᙮ ᐋᐦ ᐅᐦᐱᒋᓈᐅᓲᓈᓂᐧᐃᒡ ᐋᔪᐧᐃᒃ ᑳ ᒋᔅᑯᑎᒫᑰᑦ ᐅᑳᐧᐄ ᒌᐦ ᒋᔅᑯᑎᒫᑭᐤ ᑖᓐ ᒑ ᐋᑎ ᐄᐦᑎᐧᐃᑎᐧᐋᑦ ᐅᑎᑎᐧᐋᔑᔒᒻ ᑭᔮᐦ ᑳ ᐋᑎ ᒋᔅᑯᑎᒧᐧᐋᑦ ᐅᑎᑎᐧᐋᔑᔒᒻᐦ ᐋᐦ ᐅᐦᐱᒋᓈᐅᓲᓈᓂᐧᐃᔨᒡ᙮ ᒥᔥᑏ ᒌᐦ ᒋᔅᑯᑎᒫᓲ ᐊᓂᑖ ᓅᐦᒋᒦᐦᒡ ᑳᐦᑖᑦ, ᒥᔥᑏ ᒑᐧᑳᔨᐤ ᐋᐦ ᐄᐦᑐᑎᑭᓂᐅᐧᐃᔨᒡ ᑭᔮᐦ ᐋᐦ ᓂᐱᐦᑖᑭᓂᐅᐧᐃᔨᒡ ᒑᐧᑳᔨᐤ ᐋᐦ ᒥᔫᐦᑭᒃ ᒦᒋᒥᔨᐤ᙮ ᐋᔥᒄ ᒫᒃ ᒋᔅᑯᑎᒫᓲ ᑭᔮᐦ ᐋᔥᒄ ᐧᐋᐧᐄᒋᐦᐧᐋᐤ ᒑᐧᑳᔨᐤᐦ ᐋᐦ ᒥᔪᐱᐦᑖᑭᓂᐧᐃᒡ᙮ ᐹᔨᑯᔥᑖᐤ ᑎᐦᑐ ᐱᐳᓐᐦ ᒌᐦ ᐋᐱᓰᐤ ᑭᔮᐦ ᐋᐦ ᒋᔅᑯᑎᒫᓲᑦ ᒫᐧᑳᒡ ᐊᓂᔮ ᐋᐱᑎᓰᑦ᙮ ᑭᔨᐧᐹ ᑳᐦ ᐱᑯᐦᑎᒫᓲᑦ ᒥᓯᓂᐦᐄᑭᓂᔥᐦ University Degree, Bachelor of Arts ᑭᔮᐦ Family Life Education.

ᓅᐧᐊ ᔐᔖᒨᔥ ᐄᓯᓂᐦᑳᓲ ᐊᔮᑎᐧᐄᓂᐹᑯᐦᒡ ᐅᐦᒌᐤ ᐋᑯᑖᐦ ᑭᔮᐦ ᑳ ᓂᑑᐦᐆᑦ᙮ ᔅᑏᕕᓐ ᔐᔖᒧᔥ ᒌ ᐄᓯᓂᑳᓲᔨᐤᐦ ᐅᐦᑖᐧᐄᐦ ᓲᓯᓐ ᓵᓂᑏ ᒌᐦ ᐅᑳᐧᐄᔨᐤᐦ᙮ ᓂᔮᓈᓈᐤ ᒫᒨ ᒌᐦ ᐄᐦᒋᐦᔓᐧᐃᒡ᙮ ᒥᔥᑏ ᒑᐧᑳᔨᐤ ᒌᐦ ᒋᔅᑯᑎᒫᑰ ᐅᐦᑖᐧᐄᐦ ᐋᐦ ᐅᔑᐦᑖᑦ ᒑᐧᑳᔨᐤ ᐄᔨᔨᐤᐦ ᐋᐦ ᐃᔑ ᐄᔮᐱᑎᔥᑖᔨᒡ ᑭᔮᐦ ᐋᐦ ᓂᑑᐦᐆᓈᓂᐅᐧᐃᔨᒡ᙮ ᓈᒥᑎᓅᐧᐋᐱᐳᓐᐦ ᒌᐦ ᐋᐱᑎᓰᐤ ᐊᓂᑎᐦ ᐋᐦ ᐧᐋᔅᑳᐦᐄᑭᓂᒑᓂᐧᐃᔨᒡ ᑭᔮᐦ ᐋᐦ ᐧᐋᒥᔥᑎᑯᔒᐅᐋᐱᑎᓰᓈᓂᐧᐃᔨᒡ᙮ ᒥᓯᐧᐋ ᓂᓈᑭᐤ ᒌᐦ ᐄᑖᐱᑎᓰᐤ, ᐋᔥᑎᐧᐋᐦᐄᐱᒑᐅᑭᒥᑰᐦᒡ ᒌᐦ ᐋᐱᑎᓰᐤ ᑭᔮᐦ ᐋᐦ ᐧᐋᐱᐦᐧᐋᑭᓂᐅᐧᐃᔨᒡ ᑰᓐᐦ ᒫᔅᑭᓂᐆ ᐋᐦ ᐅᔑᐦᑖᑦ ᑭᔮᐦ ᒌᐦ ᒥᔥᑎᑯᓈᐹᐤ ᑭᔮᐦ ᐋᐦ ᐧᐄᔥᑭᒑᓂᐧᐃᑦ᙮ ᐅᔮᐦ ᒫᒃ ᒑᐧᑳᔨᐤᐦ ᐋᐦ ᐄᔑ ᑭᑭᔅᑖᑦ ᓂᒧᐃ ᐅᐦᒋ ᐲᐦᒑᐤ ᐊᓂᑖᐦ ᒋᔅᑯᑎᒫᑑᑭᒧᑯᐦᒡ᙮ ᒥᒄ ᐊᓂᔮ ᓈᐹᐤ ᑳ ᐧᐄᒑᐧᐋᑦ ᐋᐦ ᐧᐋᐧᐄᐦᑎᑳᑰᑦ ᑖᓐ ᒑ ᐄᐦᑎᒃ ᐋᑯᑖᐦ ᐧᐋᐦ ᒌᐦ ᒋᔅᒑᔨᐦᑎᒃ ᐊᓂᔮ ᐋᐦ ᐄᑖᐱᑎᓰᓈᓂᐧᐃᒡ ᑭᔮᐦ ᒥᓯᐧᐋ ᐃᔮᐤ ᐊᓂᔮᐦ ᒥᓯᓂᐦᐄᑭᓂᔥᐦ ᑳᐦ ᐄᑖᐱᑎᓰᑦ᙮