Traditional tools made from trees is a lesson on the numerous varieties of trees that were carved to create tools for the camp or for the hunter.

ᐋᓕᓐ ᒫᒋᔅ ᐄᓯᓂᐦᑳᓲ᙮ ᒨᔅ ᕚᑭᑎᕇ ᒌᐦ ᐱᒫᑎᓰᐤ᙮ ᓂᔥᑐᒥᑐᓂᐅᓃᔔᐧᔖᑉ ᒌᐦ ᐧᐄᒋᒫᐤ ᐧᐄᔨᐤᐦ ᑖᕌ ᑳᑳᐹᑦ᙮ ᓈᐅᔨᐤᐦ ᐅᑎᑎᐧᐋᔑᔒᒥᐧᐋᐤᐦ ᑭᔮᐦ ᐅᐧᐃᔑᒥᔑᐤ᙮ ᒌᐦ ᒫᒫᐦᒌᐄᔨᑖᐱᓰᐤ ᒌᐦ ᒋᔅᑯᑎᒫᒑᐤ, ᒌᐦ ᐄᔨᔨᐅᒋᔅᑯᑎᒫᒑᐤ ᑭᔮᐦ ᐄᔨᔨᐅᐄᐦᑎᐧᐃᓂᔨᐤ ᒌᐦ ᒋᔅᑯᑎᒫᒑᐤ᙮ ᓂᔮᐅᐱᐳᓐᐦ ᒌᐦ ᐋᐱᑎᓰᐤ᙮ ᒌᐦ ᒋᔅᑯᑎᒫᓲ ᐋᐦ ᐄᔨᔨᐅᔥᑖᑭᓂᐅᐧᐃᔨᒡ ᑭᔮᐦ ᒑ ᒌᐦ ᒋᔅᑯᑎᒫᒑᑦ ᑭᔨᐧᐹᐦ ᑳ ᒌᔑᐦᑖᑦ᙮

Trees and their uses provided materials for resin, dwellings, clothing, transportation, medicine, and ceremonial purposes.

ᐋᓃ ᔖᔑᐧᐋᔥᑯᒻ ᐄᓯᓂᐦᑳᓲ᙮ ᐧᐄᒥᓂᒌᐦᒡ ᐆᐦᒌᐤ᙮ ᒨᓲᓂᐦᒡ ᒌ ᐄᔨᔨᐆ᙮ ᐹᔨᑯᔥᑖᐤ ᒌᐦ ᐄᑎᔑᔨᐤ ᐅᑎᐧᐋᔑᔒᒻᐦ ᐹᔨᒄ ᓂᒥ ᐅᐦᒋ ᐱᒫᑎᓰᐤ᙮ ᓈᒥᑎᓂᐅᓂᔮᔨᐅᔖᑉ ᐦᑎᐦᑐᐦ ᐱᐳᓐᐦ ᒌᐦ ᐧᐄᒋᒫᐤ ᒉᐃᒥᔅ᙮ ᑳᐦ ᐅᓈᐹᒥᑦ ᒨᔥ ᐊᓂᑖᐦ ᓅᐦᒋᒦᐦᒡ ᒌᐦ ᐄᐦᑖᐅᒡ ᑭᔮᐦ ᐱᔥᒡ ᒌᐦ ᐧᐄᒋᒫᐅᒡ ᐅᑎᐧᐋᔑᔒᒥᐧᐋᐤᐦ ᑭᔨᐧᐹ ᑳ ᐋᔨᒥᓂᔨᒡ ᐋᐦ ᓂᑭᑎᐦᐧᐋᐦᑦ ᐱᔥᒡ ᐋᐦ ᒌᐦ ᒋᔅᑯᑎᒫᓱᐧᐃᔨᒡ᙮

ᒉᐃᒥᔅ ᔖᔥᔑᐧᐋᔥᑯᒻ ᐄᓯᓂᐦᑳᓲ, ᓅᐦᒋᒦᐦᒡ ᓵᑭᒦᐦᒡ ᒌᐦ ᐱᒫᑎᓰᐤ᙮ ᐹᔨᑯᔥᑖᐤ ᑳᐦ ᐄᐦᑎᐦᑐᐱᐳᐧᓈᓯᑦ ᐄᔮᒄ ᑳᐦ ᒋᔅᑯᑎᒫᓲᑦ ᐊᓂᑖ ᕃᓯᑌᓂᔑᓪ ᓯᑯᓪ ᐊᓂᑖᐦ ᒨᔅ ᕚᑭᑎᕇ᙮ ᒌᐦ ᐧᐃᓂᐦᑖᐤ ᐅᑎᐄᔨᔨᐅᐊᔨᒧᐧᐃᓐ ᒫᐧᑳᒡ ᑳᐦ ᒋᔅᑯᑎᒫᓲᑦ᙮ ᑳᐦ ᐴᓃᔨᑦ ᑳᐦ ᒋᔅᑯᑎᒫᓲᑦ ᐅᓂᒋᐦᐄᒄ ᑳ ᐧᐄᒋᒫᑦ ᐊᓂᑖᐦ ᓅᐦᒋᒦᐦᒡ ᒦᓐ ᑳᐦ ᐋᑎ ᑭᔅᒋᐦᐆᑦ ᐋᐦ ᐄᔨᔨᐅᐊᔨᒥᑦ᙮ ᑭᔨᐧᐹᐦ ᑳᐦ ᐋᐱᑎᓰᑦ ᐧᐋᔅᑳᐦᐄᑭᓐᐦ ᐋᐦ ᐅᔑᐦᑖᑭᓂᐅᐧᐃᔨᒡ ᒌᐦ ᐄᑖᐱᑎᓰᐤ ᒥᔥᑎᒄᐦ ᒌᐦ ᐄᔨᔮᐅᑐᐦᑖᐤ᙮ ᐹᔨᑯᔥᑖᐅᐧᔖᐱᐳᓐᐦ ᒌᐦ ᒋᔅᑯᑎᒫᒑᐤ ᐋᐦ ᐱᒥᔥᑳᓂᐧᐃᔨᒡ, ᓈᔥᐹᐱᒋᐤ ᒌᐦ ᐄᐦᔑᓂᑳᑖᔨᐤ᙮ ᐊᓂᑖᐦ ᓅᐦᒋᒦᐦᒡ ᐋᐦ ᐄᐦᑖᑦ ᑭᔮᐦ ᐋᐦ ᓂᑑᐦᐆᑦ ᐋᑯᑎᐦ ᒥᔥᑏ ᑳ ᒋᔅᑯᑎᒫᓲᑦ᙮

Spruce Bark Baskets were tools created by the Cree people and they used the baskets at home to preserve food for later. Baskets are typically sewn together by the roots of a tree and adorned with natural colours from the land.

ᐲᑦᕆᔅ ᒌᓲ ᐄᓯᓂᐦᑳᓲ᙮ ᕕᕃᑎᕆᒃ ᐄᓯᓂᐦᑳᓱᔨᐤ ᐅᓈᐹᒻᐦ ᔖᔥ ᓂᔮᔪᒥᑐᓅᐅᐧᐊᐱᐳᓐ ᑳ ᐃᔥᐱᔑ ᐧᐄᒋᒥᑐᐧᐃᒡ᙮ ᑯᐧᑖᔥᒡ ᐄᐦᑎᔒᔨᐤᐦ ᐅᑎᐧᐋᔑᔒᒥᐧᐋᐤᐦ, ᓃᔥᑎᓅᓈᐅᔖᑉ ᐄᐦᑎᔑᔨᐤᐦ ᐅᐧᐃᔑᒥᔑᐧᐋᐤᐦ᙮ ᑯᐧᑖᔥᒡ ᐄᐦᑎᔑᔨᐤ ᐅᑎᐋᓂᔥᑯᐧᐃᔒᒻᐦ᙮ ᓅᐦᒋᒦᐦᒡ ᐄᔨᐦᑖᐤ ᑭᔮᐦ ᓂᑑᐦᐆᔔᔮᓐ ᐋᐱᒋᐦᐋᐤ᙮ ᑭᔨᐧᐹᐦ ᑳ ᐋᐱᑎᓰᑦ ᓂᓈᐦᑭᐤ ᒌᐦ ᐄᑖᐱᑎᓰᐤ ᐊᓂᑎᐦ ᐧᐄᒥᓂᒌᐦᒡ ᑭᔮᐦ ᐁᓕᐧᓈᕐ ᒌᐦ ᐋᐱᑎᓰᐤ᙮

ᐋᓐᒋᓛ ᔅᑐᐧᐋᕐᑦ ᐄᓯᓂᐦᑳᓲ᙮ ᐊᓂᑖᐦ ᒫᐧᑳᒡ ᐋᐦ ᐱᒥᐦᔮᔨᒡ ᐅᑳᐧᐄᐦ ᐋᑯᑎᐦ ᑳᐦ ᐱᒫᑎᓰᑦ᙮ ᐱᕌᑎᓖ ᐧᒑᕐᒡᑮᔥ ᒌᐦ ᐅᓈᐹᒥᐤ ᔖᔥ ᒥᑖᐦᑐᐱᐳᓐᐦ ᑳᐦ ᐄᔑ ᐧᐄᒋᒫᑦ᙮ ᐹᔨᑭᔒᐤ ᐊᐧᐋᔑᔥ ᐧᐋᒋᒫᐦᒡ ᒌᐦ ᓃᔓᐱᐳᐧᓈᓰᐤ ᓃᔥᑎᒻ ᑳᐦ ᐧᐄᒋᒫᒡ ᔖᔥ ᓂᔮᔪᐧᔖᑉ ᐃᐦᑎᐦᑐᐱᐳᐧᓈᓰᐤ᙮ ᐅᔅᒋᓃᒋᓲ ᑳᐦᑖᑦ ᐊᑎᐧᐋ ᒌᐦ ᒋᔅᑯᑎᒫᓲ ᒦᓐ ᑳ ᐹᒋ ᒌᐧᐋᑦ ᐊᓂᑖᐦ ᐧᐄᒥᓂᒌᐦᒡ ᐋᑯᑎᐦ ᑳ ᒋᔅᑯᑎᒫᓲᑦ᙮

Nomadic life of the early 1900s was according to seasons and the migration of animals. Families either journeyed by foot, snowshoes, canoes, or mushing to reach to their next camp.

ᐋᓃ ᐧᒑᕐᒡᑮᔥ ᐄᓯᓂᐦᑳᓲ᙮ ᓅᐦᒋᒦᐦᒡ ᐊᓂᑖᐦ ᐹᔔᒡ ᓵᑭᒦᐦᒡ ᒌᐦ ᐱᒫᑎᓰᐤ᙮ ᒑᕐᓖ ᑭᔮᐦ ᒉᐃᓐ ᐧᒑᕐᒡᑮᔥ ᐄᓯᓂᐦᑳᓲᔨᐤᐦ ᐅᓃᒋᐦᐄᒄ᙮ ᓃᔑᔨᐤᐦ ᐅᑎᐧᐋᔑᔒᒻᐦ, ᓂᔮᔪᔨᐤᐦ ᑭᔮᐦ ᐅᐧᐃᔑᒥᔥᐦ ᑭᔮᐦ ᐅᑖᓂᔥᑯᐧᐃᔒᒥᐤ᙮ ᐹᔨᑯᐱᐳᓐᐦ ᒌᐦ ᐋᐱᑎᓰᐤ ᐋᐦᑯᓰᐅᑭᒥᑯᐦᒡ ᐊᓂᑖᐦ ᒨᓲᓂᒡ᙮ ᓃᔓᐱᐳᓐᐦ ᒌᐦ ᒋᔅᑯᑎᒫᓲ ᐊᓂᑖᐦ ᒨᓲᓂᐦᒡ᙮ ᐧᐄᒥᓂᒌᐦᒡ ᑭᔮᐦ ᒌᐦ ᐋᐱᑎᓰᐤ ᓂᐦᓈᑭᐤ ᒌᐦ ᐄᔨᑖᐱᑎᓰᐤ᙮ ᐃᔅᑭᓂᐱᐳᓐᐦ ᓅᐦᒋᒦᐦᒡ ᒌ ᐃᐦᑖᐅᒡ ᐹᑎᔥ ᒨᔖᐧᐋᐦᔮᐅᐲᓯᒻ ᐄᔮᒄ ᑳᐦ ᒌᐦ ᐄᐦᑖᐦᒡ ᐧᐋᔅᑳᐦᐄᑭᓂᐦᒡ᙮

ᐧᑖᓖᔨᓐ ᑭᓪᐱᓐ-ᐧᒑᕐᒡᑭᔥ ᐄᓯᓂᐦᑳᓲ᙮ ᐹᑭᒥᔑᒧᐧᐋᔥᑎᑯᐦᒡ ᒌᐦ ᐱᒫᑎᓰᐤ᙮ ᐦᐋᕇ ᐧᒑᕐᒡᑮᔥ ᐄᓯᓂᐦᑳᓲᔨᐤᐦ ᐅᓈᐹᒻᐦ᙮ ᒥᑖᐦᑐ ᐄᐦᒋᐦᔒᐤ ᐅᑎᑎᐧᐋᔑᔒᒥᐧᐋᐤᐦ᙮ ᐋᓃ ᐄᓯᓂᐦᑳᓲᔨᐤ ᐅᑳᐧᐄ᙮ ᓵᒥᔨᓪ ᐄᓯᓂᐦᑳᓲᔨᐤᐦ ᐅᐦᑖᐧᐄᐦ᙮ ᐊᓂᔮᐦ ᐧᐄᒋᔖᓂᔥ ᓃᔓ ᓂᒥ ᐅᐦᒋ ᐱᒫᑎᓰᐤ ᐋᔥᒃ ᓈᐤ ᐱᒫᑎᓰᐤ᙮ ᒌᐦ ᒥᐦᒑᑎᐅᒡ ᐧᐋᔥ ᑖᐹ ᒋᔅᒋᓯᐤ ᑖᓐ ᑳᐦ ᐄᐦᒋᐦᔑᐦᒡ ᐊᑎᑎᐤ ᐧᐋᔥ ᒌᐦ ᒥᐦᒑᑎᐅᒡ᙮ ᑭᔨᐧᐹ ᐧᐋᐅᔑᒥᔑᑦ ᑭᔮᐦ ᐅᑎᐋᓂᔥᑯᐧᐃᔒᒥᐤ᙮ ᒦᒋᓲᑭᒥᑯᐦᒡ ᒌᐦ ᐋᐱᑎᓰᐤ ᑰᒃ ᒌᐦ ᐄᑖᐱᑎᓰᐤ, ᒋᓵᓰᐲᐦᒡ ᒦᓐ ᒑ ᐋᐱᑎᓰᐤ ᐊᐧᐋᔑᔑᔥ ᐋᐦ ᑭᓂᐧᐋᔨᒫᑦ ᐋᐦ ᒋᔅᑯᑎᒧᐧᐋᑭᓂᐅᐧᐃᔨᒡ᙮ ᕃᓯᑌᓂᔑᓪ ᑭᔮᐦ ᒌ ᒋᔅᑯᑎᒫᓲ ᐊᓂᑖᐦ ᒨᓲᓂᐦᒡ᙮

How to prepare pemmican is a powdered meat made from dried meat or fish and rendered fat they can be stored dry or frozen.

ᒣᐃᐱᓪ ᐧᒑᕐᒃᑮᔥ ᐄᓯᓂᐦᑳᓲ᙮ ᐊᓂᑖᐦ ᓅᐦᒋᒦᐦᒡ ᒋᓵᓰᐲᐦᒡ ᐅᐱᔅᒋᑳᐅᓵᑭᐦᐄᑭᓂᐦᒡ ᒌᐦ ᐱᒫᑎᓰᐤ᙮ ᐁᒥᑦ ᐧᒑᕐᒡᑮᔥ ᐄᓯᓂᐦᑳᓱᔨᐤᐦ ᐅᓈᐹᒻᐦ ᓂᔥᑐᒥᑎᓅᓂᔮᓈᓈᐤ ᑎᐦᑐᐦ ᐱᐳᓐᐦ ᒌᐦ ᐧᐄᒋᒥᑎᐧᐃᒡ ᔖᔥ᙮ ᓂᔮᓈᓈᐤ ᐄᐦᑎᔑᔨᐤᐦ ᐅᑎᐧᐋᔑᔒᒥᐧᐋᐤᐦ, ᒥᑖᐦᑐ ᐄᑎᔑᔨᐤᐦ ᐅᐧᐃᔑᒥᔥᐦ᙮ ᐹᔨᑯᔥᑖᐤ ᐄᑎᔑᔨᐤᐦ ᐅᑎᐋᓂᔥᑯᐧᐃᔒᒻᐦ᙮

Cree School Board


Telephone: 418-923-2764
Toll Free: 1-866-999-2764

View More

Admin Office Hours
Monday - Wednesday: 8:30 a.m. to 5:00 p.m.
Thursday: 8:30 a.m. to 4:30 p.m.
Friday: 8:30 a.m. to 3:00 p.m.

Employees
E-You (intranet)
Email (Office 365)
Office 365

Login

You don't need to login here unless the Web Designer tells you to do so.