Skip to main content

Traditional Lodges are what the Cree had to be accustomed to, especially those who live in the forested areas farther north or by the coastal areas. Natural materials were commonly used by the Cree to create their homes. 

ᐋᓃ ᐅᑎᕌᐃᔅ ᓀᔮᓯᑦ ᐃᓯᓂᐦᑳᓲ᙮ ᓅᐦᒋᒦᐦᒡ ᐊᓂᑖᐦ ᐅᐦᑖᐧᐄᐦ ᐅᑎᔅᒌᔨᐦᒡ ᒌᐦ ᐱᒫᑎᓰᐤ ᐋᓃ᙮ ᑯᐧᑖᔥᒡ ᒌᐦ ᐃᑎᐦᔓᐧᐃᒡ ᐋᐦ ᐹᔨᑯᑖᐅᓯᔨᒡ᙮ ᐊᓂᑖᐦ ᐧᐋᔥᑭᒡ ᐧᐋᔅᐧᐋᓂᐲ ᐊᑯᑖᐦ ᑳ ᓃᔓᑳᐳᐧᐃᑦ ᐋᓃ᙮ ᐁᐃᐱᕋᐦᐋᒻ ᓀᔮᓯᑦ ᒌ ᐃᓯᓇᐦᑳᓱᔨᐤᐦ ᐅᓈᐹᒻᐦ᙮ ᒌᐦ ᓃᔑᔨᐤᐦ ᒫᒃ ᐅᑎᐧᐋᔑᔒᒥᐧᐋᐤ ᐊᑯᐦ ᐋᐦ ᐹᔨᑯᔒᒡ ᐅᓯᒻ᙮ ᐊᑯᑖᐦ ᐊᓂᑖᐦ ᓅᐦᒋᒦᐦᒡ ᐃᐦᑖᒑ ᑳ ᐧᐄᒋᒡ ᐅᔥᑭᒡ ᑳ ᓃᔓᑳᐳᐧᐃᒡ ᐅᔅᐧᐹᐦᑳᐤ ᑳ ᐃᔑᓂᐦᑳᑖᔨᒡ᙮ ᓈᑖᐦ ᒫᑖᑭᒦᐦᒡ ᒌᐦ ᐃᐦᑖᐅᒡ ᑳ ᒋᐱᐦᐄᑭᓂᐧᐃᔨᒡ ᐧᐋᔥᑭᒡ ᐧᐋᔅᐧᐋᓂᐲ᙮ ᒑᒃ ᒫᒃ ᒦᓐ ᑳ ᐋᐦᒋᐱᒋᓈᓂᐧᐃᒡ ᒌ ᐃᐦᐆᐤ ᐋᓃ ᐊᑯᑎᐦ ᐅᑎᐦ ᐧᐋᔅᐧᐋᓂᐲᐦᒡ᙮ ᐊᓅᐦᒡ ᒫᒃ ᐋᔥᒄ ᒥᐧᔮᔨᐦᑎᒻ ᐋᓃ ᐋᐦ ᒥᔪᐦᑭᐧᐋᑦ ᒨᓱᔮᓐ ᑭᔮᐦ ᐋᐦ ᑭᔅᒋᐧᑳᓱᑦ᙮ ᒨᔥ ᐧᐄᒋᐦᐄᐧᐋᐤ ᑭᔮᐦ ᐋᓃ ᐋᐦ ᒋᔅᑯᑎᒫᑳᓂᐧᐃᔨᒡ ᐄᔨᔨᐤ ᑭᔅᒋᐦᐅᐧᐃᓐᐦ᙮

Preserving the Language comes from the land. The culture and language coexist and live on in the minds and hearts of people who live their Eeyou identity.

ᐁᓛ ᑲᓪ ᓃᐧᐹᐦᔥ ᐃᓯᓇᐦᑳᓲ᙮ ᐧᐋᔅᐧᐋᓂᐲᐦᒡ ᐅᐦᒌᐤ᙮ ᐧᐃᓕᔨᒻ ᑲᓪ ᒌ ᐃᓯᓇᐦᑳᓱᔨᐤᐦᐦ ᐅᐦᑖᐧᐄᐦ᙮ ᐋᓈ ᑲᓪ ᒌ ᐃᓯᓇᐦᑳᓱᔨᐤ ᐧᐄᐦ ᐅᑳᐧᐄᐦ᙮ ᔮᓈᓈᐤ ᒫᒨ ᒌ ᐃᑎᐦᔑᔨᐤᐦ ᐅᑎᐧᐋᔑᔒᒻᐦ ᒌᐦ ᓈᐅᔨᐤᐦ ᐋᐦ ᓈᐹᔑᔑᐧᐃᔨᐦᒡ ᑭᔮᐦ ᓈᐤ ᑳ ᐃᔥᐧᑳᔑᔒᐅᐧᐃᐦᒡ᙮ ᓃᔥᑎᓅᓈᐤ ᐃᑎᐦᔑᔨᐤᐦ ᐅᔑᒥᔑᔥᐦ ᔮᓈᓈᐤ ᐋᐦᑎᔒᒡ ᐅᑖᓂᔅᑯᑖᐹᔑᒻᐦ᙮ ᐋ ᐧᐋᒥᔥᑎᑯᔒᐅᔨᒥᓈᓂᐧᐃᔨᒡ ᒌᐦ ᒋᔅᑯᑎᒫᓯᐤ ᑳ ᒥᑖᐦᑐᐳᐧᓈᓯᑦ ᐊᓂᑖᐦ ᒨᔅ ᕚᑭᕪᕇ ᒌ ᐃᐦᑖᐤ᙮ ᑯᐧᑖᓱᐱᐳᓐᐦ ᒫᒃ ᒌ ᐃᐦᑖᐤ ᐊᓂᑖᐦ᙮ ᒦᓐ ᒌ ᒋᔅᑯᑎᒫᓯᐤ ᐁᓛ ᐊᓂᑖᐦ ᒫᐧᑳᒡ ᐋᐦ ᐋᐱᑎᓯᔨᑦ ᐋᐦ ᒌᐧᐄᐦ ᐳᑯᐦᑖᑦ ᐋᐦ ᒋᔅᑯᑎᒫᒑᓂᐧᐃᔨᒡ ᒥᓯᓂᐦᐄᓂᓂᔑᔨᐤ ᒑᐦ ᒌ ᒋᔅᑯᑎᒫᒑᑦ ᐊᓂᑖᐦ ᒋᔅᑯᑎᒫᒑᐅᑭᒥᑯᐦᒡ᙮ ᒋᔅᑯᑎᒫᒑᓯᐤ ᒌᐦ ᐃᐦᑖᐱᑎᓰᐤ ᐁᓛ ᓃᔥᑎᒻ ᒑᒃ ᑳ ᐋᐦᑐᐦᑖᑦ ᐊᓂᑖᐦ ᐄᔨᔨᐅᔨᒧᐧᐃᓂᔨᐤ ᐋᐦ ᐋᐱᑎᔒᔥᑎᑭᓂᐧᐃᒡ ᐊᑯᑎᐦ ᒫᒃ ᑳ ᐧᐄᒋᐦᐄᐧᐋᑦ ᐋᐦ ᓂᔥᑐᐧᐃᓯᓂᐦᐄᑭᓂᐧᐃᔨᒡᐦ ᐊᔨᒧᐧᐃᓐᐦ ᐋᐦ ᐅᔑᐦᑖᑭᓂᐧᐃᔨᒡ ᐊᓂᔮ ᐋᐦ ᐄᔨᔨᐅᔥᑖᔨᒡ ᓂᒌ ᒥᐦᒑᑎᓈᓐ ᒥᓯᓂᐦᐄᑭᓐ ᑳ ᐅᔑᐦᑖᔮᒡ ᒌ ᐃᐦᐆᐤ ᐁᓛ᙮ ᓂᒧᐃ ᒫᒃ ᔖᔥ ᐋᐱᑎᓰᐤ ᐁᓛ ᒥᒄ ᒫᒃ ᐋᔥᑯᐦ ᐧᐄᒌᐦᐄᐧᐋᐤ ᐋᐦ ᒋᔅᑯᑎᒫᒑᑦ ᐅᔮ ᐅᐦᒋ ᐄᔨᔨᐤ ᑭᔅᒋᐦᐅᐧᐃᓂᔨᐤ᙮

Winter season was respected by the Cree and followed the movement of animals to preserve food, hides, and bones in crafting traditional tools and clothes. During the winter season, snowshoes, toboggans, and dog mushing were used for transportation or hunting.

ᐧᐃᓃ ᑲᓪ ᓴᑭᓈᔥ ᐃᓯᓂᐦᑳᓯᐤ᙮ ᐧᐋᔅᐧᐋᓂᐲᐦᒡ ᐅᐦᒌᐤ᙮ ᓰᒸᓐ ᓴᑭᓈᔥ ᒌ ᐃᓯᓂᐦᑳᓱᔨᐤᐦ ᐅᓈᐹᒻᐦ᙮ ᒌ ᓃᔓᑳᐳᐧᐃᒡ ᐊᓂᑖᐦ ᐧᐋᔥᑭᒡ ᐧᐋᔅᐧᐋᓂᐲ᙮ ᒌ ᓂᔥᑐᐧᐃᒡ ᑯᑎᑭᒡ ᑳ ᓃᔓᑳᐳᐧᐃᒡ ᑭᔮᐦ ᐧᐄᐧᐋᐤ ᐊᓂᑖᐦ ᑳ ᒌᔑᑳᔨᐦᒡ ᒌ ᐄᐦᐅᐤ᙮ ᓃᔓᔖᑉ ᒌ ᐃᑎᐦᔑᔨᐤ ᐅᑎᐧᐋᔑᔒᒥᐧᐋᐤᐦ ᓂᔮᔪ ᓈᐹᔑᔥᐦ ᐊᑯᐦ ᓃᐧᔖᔥᒡ ᐃᔥᐧᑳᔑᔥᐦ ᒌ ᐃᔨᐧᐋᐅᒡ᙮ ᐅᔥᑭᒡ ᑳ ᓃᔓᐧᑳᐳᐧᐃᒡ ᓄᐦᒋᒦᐦᒡ ᐊᓂᑖᐦ ᒌ ᐃᐦᑖᐧᐃᒡ ᓘᐧᐄ ᐱᓛᑭᓯᒥᕪ ᐋᐦ ᐹᔨᑯᑖᐅᓰᒡ ᐋᔪᑯᓐᐦ ᐊᓂᔮᐦ ᑳ ᐧᐄᒋᒫᐦᒡ ᐧᐃᓃ ᑭᔮᐦ ᒫᒃ ᐅᓈᐹᒻᐦ᙮ ᐋᔥᒄ ᒫᒃ ᓅᐦᒋᒦᐦᒡ ᐃᐦᑖᐤ ᒫᓐ ᐧᐃᓃ᙮ ᓂᒧᐃ ᓈᔥᒡ ᒌᐦ ᐃᐦᑑᑎᒻ ᒑᐧᑳᔨᐤᐦ ᐊᓂᑖᐦ ᓅᐦᒋᒦᐦᒡ ᐋᐦ ᐃᐦᑖᑦ ᐋᐦ ᒌᐦ ᐲᑯᐦᑖᑦ ᐅᑐᑭᓐ ᐋᐦ ᒌᐦ ᐱᐦᒋᔑᒃ᙮ ᒥᐧᔮᔨᐦᑎᒻ ᒫᒃ ᐋᐦ ᒥᑖᔅ ᐋᐦ ᑭᔅᒋᐧᑳᑎᒃ ᒨᓱᔮᓂᒋᓯᓐᐦ ᑭᔮᐦ ᐋᐦ ᑎᐹᒋᒧᐧᐃᑦ ᐊᓂᑖᐦ ᐧᐋᔥᑭᒡ ᓅᐦᒋᒦᐦᒡ ᑳ ᒌᐦ ᐃᐦᑖᐦᒡ᙮

Cree Parenting looks at the traditional perspective on parenting and looking within a traditional structure at what the parents did for their children while living in the bush.

ᓕᓕᔨᓐ ᑲᓪ ᓃᐧᐹᐦᔥ ᑭᔮᐦ ᐧᒑᕐᒡ ᐋᓕᒃ ᓃᐧᐹᐦᔥ ᐃᓯᓇᐦᑳᓱᐧᐃᒡ᙮ ᐊᑯᑎᐦ ᐊᓂᑖᐦ ᐧᐋᔅᐧᐋᓂᐲᐦᒡ ᑖᐱᔥᑯᓐ ᐧᐋᐦᒌᒡ᙮ ᓂᔮᔪ ᐃᑎᐦᔑᔨᐤᐦ ᐅᑎᐧᐋᔑᔒᒥᐧᐋᐤᐦ ᐹᔨᒄ ᒫᒃ ᐅᔑᒥᔑᐧᐋᐤᐦ ᒌ ᓂᐦᑖᐅᒋᓈᐅᒡ ᒋᐦᒋᐧᐋ ᑭᔮᐦ ᒌ ᐅᑎᓈᐅᒡ ᒑᐦ ᒌ ᑭᓂᐧᐋᔨᒫᒡ᙮ ᔮᓈᓈᐅᔖᑉ ᐃᐦᑎᐦᔑᔨᐤᐦ ᐅᔑᒥᔑᐧᐋᐤᐦ ᓕᓕᔨᓐ ᑭᔮᐦ ᐧᒑᕐᒡ᙮ ᔖᔥ ᒫᒃ ᑖᐱᔥᑯᓐ ᓂᒧᐃ ᐋᐱᑎᓰᐅᒡ᙮ ᑳᐱᔮᒋᑖᓱᐧᐃᑦ ᒌ ᐃᐦᑖᐱᓰᐤ ᐊᓂᑖ ᒋᔅᑯᑎᒫᒑᐅᑭᒥᑯᐦᒡ ᐧᒑᕐᒡ᙮ ᒧᔖᐧᐋᔮᐦᐅᐲᓯᒻ 2018 ᐊᔅᒋᐅᒋᐦᑖᓱᓐ ᑳ ᐃᒋᔥᑖᔨᒡ ᑳ ᒌᔥᑖᑦ ᐋᐦ ᐋᐱᑎᓯᔨᑦ᙮ ᓂᓈᐦᑭᐤ ᐧᐄᒋᐦᐄᐧᐋᐅᑭᒥᑯᐦᒡ ᒌ ᐋᐱᑎᓰᐤ ᓕᓕᔨᓐ 2018 ᑭᔮᐦ ᐧᐄᐦ ᒌ ᒌᔥᑖᐤ ᐋᐦ ᐋᐱᑎᓯᔨᑦ ᐊᓂᑖᐦ᙮ ᒥᐧᔮᔨᐦᑎᒧᐧᐃᒡ ᒫᒃ ᑖᐱᔥᑯᓐ ᐋᐦ ᐃᐦᑐᐦᑖᒡ ᐊᓂᑖᐦ ᓂᓈᐦᑭᐤ ᐧᐄᒋᐦᐄᐧᐋᐅᑭᒥᑯᐦᒡ ᒫᔑᑯᒥᒌᔑᑳᐤᐦ ᐋᐦ ᒥᐧᔮᔨᐦᑎᒃ ᐋᐦ ᑭᔅᒋᐧᑳᓱᐧᐃᑦ ᓕᓕᔨᓐ ᑭᔮᐦ ᐋᐦ ᒋᔅᒑᔨᒫᑦ ᒥᓯᐧᐋ ᐊᐧᐋᔨᐤᐦ ᐊᓂᑖᐦ ᐋᐦ ᒥᔪᐧᐄᒑᐧᐋᑦ᙮ ᐊᑯᐦ ᐧᐄᐦ ᐧᒑᕐᒡ ᐋᐦ ᐧᐄᑎᐱᒥᒫᑦ ᑯᑎᒃ ᒋᔖᔨᔨᐤᐦ ᐋᐦ ᒫᒨᐱᔨᒡᐦ ᑭᔮᐦ ᒥᐧᔮᔨᐦᑎᒻ ᐧᒑᕐᒡ ᐋᐦ ᐧᐄᔖᒫᑭᓂᐧᐃᑦ ᐊᓂᑖᐦ ᒋᔅᑯᑎᒫᒑᐅᑭᒥᑯᐦᒡ ᒑ ᒌ ᐊᔨᒥᐦᐋᑦ ᒋᔅᑯᑎᒥᐧᐋᑭᓐ ᐋᐦ ᑎᐹᒋᒧᔥᑐᐧᐋᑦ ᐋᐦ ᐧᐄᐦᑎᒧᐧᐋᑦ ᐄᔨᔨᐤ ᐱᒫᑎᓰᐧᐃᓂᔨᐤ᙮

Preparing Moose Hide takes a full year, depending on the seasons, and involves removing the furskin, scraping the fur and fat, soaking in solution, stretching, hang drying, freeze drying, scraping some more, stretching some more, drying some more, and finally preparing dry wood to smoke the hide at its final stage.

ᒣᕇᐋᓐ ᑭᒋᓐ ᐅᑎᕐ ᐃᓯᓂᐦᑳᓲ᙮ ᐅᐦᑖᐧᐄ ᐅᑎᔅᒌᔨᐦᒡ ᒥᔕᑭᒦᔥ ᑳ ᐃᔑᓂᐦᑳᑖᔨᒡ ᐊᑯᑖᐦ ᑳ ᐱᒫᑎᓰᑦ ᒣᕇᐋᓐ᙮ ᐧᐃᓖ ᑭᒋᓐ ᒌ ᐃᓯᓂᐦᑳᓱᔨᐤᐦ ᐅᐦᑖᐧᐄᐦ ᐋᔨᑭᓂᔅ ᓃᐧᐹᐦᔥ ᒌᐦ ᐃᓯᓂᐦᑳᓱᔨᐤᐦ ᐅᑳᐧᐄᐦ᙮ ᓃᔓᔖᑉ ᒌ ᐃᐦᑎᐦᔑᔨᐤᐦ ᐧᐄᒋᔖᓐᐦ ᔮᓈᓈᐤ ᐋᐦ ᐃᔥᐧᑳᔒᔑᐧᐃᔨᒡᐦ ᓈᐤ ᐋᐦ ᓈᐹᔒᔑᐧᐃᔨᒡᐦ᙮ ᐧᕌᓃ ᐅᑎᕐ ᒌᐦ ᐧᐄᔨᒋᒫᐤ ᒣᕇᐋᓐ ᓂᔮᔪ ᒫᒃ ᒌ ᐃᐦᔮᐧᐋᐅᒡ ᐊᐧᐋᔑᔥᐦ᙮ ᑯᑎᒃᐦ ᒫᒃ ᐊᐧᐋᔑᔥᐦ ᒌᐦ ᓂᐦᑖᐅᒋᓈᐅᒡ ᑖᐱᔥᑯᓐ ᐧᐄᐧᐋᐤ ᐅᓈᐹᒻᐦ᙮ ᔖᔥ ᒫᒃ ᓃᐧᔖᔓᔖᑉ ᐃᐦᑎᔑᔨᐤᐦ ᐅᔑᒥᔥᐦ᙮ ᑳ ᐃᔥᐱᔥ ᒌᔑ ᐋᐱᐦᑎᓯᑦ ᐊᓂᑖᐦ ᔔᓕᔮᐅᑭᒥᑯᒡ ᐧᒫᐅᒡ ᒑᐧᑳᔨᐤ ᐋᐦ ᒥᐧᔮᔨᐦᑎᒃ ᐋᐦ ᐃᐦᑖᐱᑎᓯᑦ ᒫᐧᑳᒡ ᒣᕇᐋᓐ ᐋᐦ ᒥᔪᐦᑯᐧᐋᑦ ᒨᓱᔮᓐᐦ᙮ ᔖᔥ ᒫᒃ ᓂᔥᑐᒥᑎᓂᐧᐋᐅᐱᐳᓐᐦ ᑳ ᐃᔥᐱᔥ ᐸᒦᐦᑯᐧᐋᑦ ᒨᓱᔮᓐᐦ ᑭᔮᐦ ᐋᐦ ᒋᔅᑯᑎᒧᐧᐋᑦ ᑯᑎᒃᐦ ᐊᐧᐋᔨᐤᐦ ᐋᐦ ᐧᐄᐦ ᒋᔅᑯᑎᒫᓱᔨᒡᐦ᙮ ᒥᐧᔮᔨᐦᑎᒻ ᑭᔮᐦ ᐋᐦ ᑭᔅᒋᐧᑳᓱᐧᐃᑦ ᐋᐦ ᐅᔑᐦᑖᑦ ᓂᓈᐦᑭᐤ ᒨᓱᔮᓐᐦ ᒌᔔᐦᐅᐧᐃᓐᐦ᙮