ᓂᓈᐦᑭᐤ ᐧᐋᔅᑳᐦᐄᑭᓐᐦ ᑭᔮᐦ ᐧᐋᔅᑳ ᐊᔅᒌ ᐋᐅᒄ ᐆ ᒑᐧᑳᓐ ᒑ ᐧᐄᐦ ᒋᔅᒑᔨᐦᑎᐧᐃᒡ ᐊᐧᐋᓂᒌᒡ ᐋᐦ ᐧᐄᐦᒌᒡ ᐊᓂᑖᐦ ᒥᔅᑎᑯᔅᑳᐧᐃᒡ ᓈᔥᑦ ᐧᐄᓂᐹᑯᐧᐃᒡ᙮ ᐊᓂᑎᐦ ᐋᐦ ᐧᐄᐦᒌᒡ ᓂᒥ ᐧᐋᐧᐋᒡ ᐅᐦᒌ ᑯᔥᐧᑳᔨᐦᑎᒥᐦᒡ ᐋᐦ ᒥᐦᒑᑎᐦᒡ ᒧᔮᒻ ᐋᐦ ᒌᐦ ᒥᐧᔮᔨᐦᑎᐧᐃᒡ ᐋᐦ ᒫᐅᐦᑐᐧᐃᒡ ᒫᒨ᙮

Different Dwellings and Surrounding Area is what the Cree had to be accustomed to especially those who live in the forested land further to the north or by the coastal areas. In a dwelling or campsite, it was common for the Cree to live among three to four families.

ᓵᓐᑎᕐᔅ ᐧᐄᔥᒌ ᐃᓯᓂᐦᑳᓯᐤ᙮ ᓅᐦᒋᒦᐦᒡ ᐧᐋᔅ ᒨᔥ ᒌᐦ ᐃᐦᑖᐤ ᐅᓃᒋᐦᐄᒄ ᐋᐦ ᒌ ᐧᐄᒋᒫᑦ᙮ ᔖᔥ ᑳ ᐹᒋ ᐊᐧᐋᔑᔒᐅᑦ ᒨᔥ ᐋᑯᑖᐦ ᐊᓂᑖᐦ ᑳ ᒌ ᐃᐦᑖᑦ᙮ ᐦᐁᓕᓐ ᒥᒃᓛᐅᑦ ᑭᔮᐦ ᒫᒃ ᕕᓕᑉ ᐧᐄᔥᒌ ᒌ ᐃᓯᓂᐦᑳᓱᔨᐤᐦ ᐅᓃᒋᐦᐄᒄ᙮ ᐅᓃᒋᐦᐄᒄ ᐊᑯᐦ ᑭᔮᐦ ᐧᐄᔨ ᒨᔥ ᓅᐦᒋᒦᐦᒡ ᒌᐦ ᐃᐦᑖᐧᐃᒡ᙮ ᑳ ᒌᐦ ᐱᒥᔥᑳᐦᒡ ᐅᔮᐦ ᐧᐋᔅᑳᐦᐄᑭᓂᔥ ᑭᔮᐦ ᐹᒋᐱᔅᑯᓂᐤ ᓰᐲᐦ ᐋᐦ ᑭᐱᐦᑖᐦᒡ ᑭᔮᐦ᙮ ᕕᐧᓛᕇ ᐁᕐᓕᔅ ᐃᓯᓂᐦᑳᓱᔨᐤᐦ ᐊᓂᔮ ᐃᔅᐧᑳᐤ ᑳ ᐧᐄᒋᒫᑦ᙮ ᔖᔥ ᒫᒃ ᐅᔑᑖᐦ ᓂᔮᔪᒥᑎᓅᐱᐳᓐᐦ ᑳ ᐃᔥᐱᔥ ᓃᔓᑳᐳᐧᐃᒡ ᕕᐧᓛᕇ᙮ ᐹᔨᑯᔖᑉ ᐃᐦᑎᔑᔨᐤᐦ ᐅᑎᐧᐋᔑᔒᒥᐧᐋᐤ᙮ ᒥᒄ ᐊᔅᑭᐤ ᒌᐦ ᐋᐱᑎᓯᐤ ᐋᐦ ᓃᐱᐦᒡ᙮ ᓂᒧᐃ ᒋᐦᒋᐧᐋ ᒋᔑᐦᓈ ᐅᐦᒋ ᐋᐱᑎᓯᐤ᙮ ᐆᔮ ᐋᐱᑎᓰᐧᐃᓂᔨᐤ ᐃᔅᐯᑎᔨᐤ ᒌᐦ ᐋᐱᒋᐦᑖᐤ ᐋᐦ ᐋᐱᑎᓰᑦ ᒑᒃ ᒫᒃ ᑳ ᐅᔥᑳᔨᒡ ᒑᐧᑳᔨᐤᐦ ᐋᐦ ᐱᒥᐱᔨᐦᑖᑭᓂᐧᐃᒡ ᐊᑯᑎᐦ ᑳ ᐅᑖᔅᑯᓈᑭᓂᐧᐃᑦ ᒑ ᒌᐦ ᐋᐱᑎᓰᑦ᙮ ᐋᐦ ᐱᐳᓃᐦᒡ ᐧᐄᐦ ᓅᐦᒋᒦᐦᒡ ᒌᐦ ᐃᐦᑖᐤ᙮

ᐋᐦᒋᓈᑯᓐ ᓂᑑᐦᐆᒋᔅᑯᑎᒫᒑᐧᐃᓐ ᑭᔮᐦ ᐃᔮᐧᑳᒧᐧᐋᐧᐃᓐ ᐊᔮᐱᒡ ᓂᑎᐧᐋᔨᐦᑖᑯᓐ ᑯᐃᔅᒄ ᒑ ᒌ ᒋᔅᒑᔨᐦᑎᒄ ᐊᐧᐋᓐ ᐋᐦ ᓂᑑᐦᐆᒡ ᑭᔮᐦ ᒑ ᒌ ᒋᔥᑖᔨᒫᒡ ᒥᓯᐧᐋ ᐊᐅᐦᑳᓐᐦ᙮ ᐊᓐ ᒫᒄ ᒋᔅᒑᔨᐦᑎᒧᐧᐃᓐ ᐋᐅᒄ ᐅᔮᐦ ᑎᐹᔨᐦᒋᒑᐧᐃᓐ ᒑ ᐧᐄᐦ ᒫᑎᓂᐧᐋᔨᓐ ᑭᔮᐦ ᒑ ᐧᐄᐦ ᒋᔥᑖᔨᒥᐦᒡ ᒥᓯᐧᐋ ᐊᐅᐦᑳᓐᐦ ᑭᔮᐦ ᒑ ᐧᐄᐦ ᒋᔥᑖᔨᑎᒻ ᐊᔅᒌ᙮

Adapting Hunting Traditions and Safety is the evolving traditional technologies used by Cree today, which include the safety of the hunter and harvesting animals with respect. It also carries important principles such as sharing, sustainable harvesting, and respect for animals and caring the land.

ᒋᒦ ᑕᕌᐱᕐ ᐄᓯᓂᐦᑳᓲ᙮ ᐧᐋᔅᑳᐦᐄᑭᓂᔑᒡ ᐅᐦᒌᐤ᙮ ᐊᓂᔮ ᐧᓛᕌᐦ ᒨᓱᔅ ᒌ ᐃᓯᓂᐦᑳᓱᔨᐤᐦ ᐧᐄᒋᒫᑭᓐ᙮ ᐅᔑᐦᑖᐦ ᓈᒥᑎᓅᐧᐋᐱᐳᓐᐦ ᒌᐦ ᐧᐄᒋᒥᑐᐧᐃᒡ᙮ ᓂᒧᐃ ᐅᐦᒋ ᐃᐦᔮᐧᐋᐧᐃᒡ ᐊᐧᐋᔑᔥ ᐧᐄᐧᐋᐤ ᑎᐹᓐ᙮ ᒥᒄ ᒫᒃ ᒌᐦ ᐱᒥᓈᐧᐃᒡ ᓈᐤ ᓈᐹᔑᔥ᙮ ᐊᓂᑖᐦ ᒫᒃ ᒨᔅ ᕚᑭᕪᕇ ᒌ ᐅᐦᒌᔨᐤᐦ᙮ ᓃᔓ ᒫᒃ ᐊᓂᔮᐦ ᓈᐹᔑᔥ ᐊᑯᑎᐦ ᐊᓂᑦᐦ ᐧᐋᔅᑳᐦᐄᑭᓂᔑᐦᒡ ᑳ ᐅᒋᐦᒡ᙮ ᐊᓂᑖᐦ ᒨᔅ ᕚᒃᑎᕇ ᒌᐦ ᐧᐄᒋᐧᐃᒡ ᐧᐄᐧᐋᐤ ᑭᔮᐦ ᐊᑯᐦ ᐃᔥᑯᑎᒃ ᑳ ᒥᓯᓂᐦᐅᓲᓈᓂᐧᐃᒡ ᓂᔅᑭᒧᐧᐃᓐ 1975 ᑳ ᐹᒋ ᐋᑎᐦᐱᐦᒡ ᐊᓂᑎᐦ ᐧᐋᔥᑳᐦᐄᑭᓂᔑᐦᒡ᙮ ᐋᔪᑯᓐᐦ ᐊᓂᔮᐦ ᑳ ᐅᔑᐦᑖᑭᓂᐧᐃᒡ ᒫᔅᒌᓱᑭᒥᒄ ᐧᐋᔅᑳᐦᐄᑭᓐᐦ 1975 ᑳ ᐃᒋᔥᑖᒡ ᐊᔅᒌᐅᒋᔅᑖᓱᐧᐃᓐ ᐊᑯᑎᐦ ᑳ ᐧᐄᒋᐦᐄᐧᐋᑦ᙮ ᒑᒃ ᒦᓐ ᑳ ᐃᔑᓈᐦᑯᒡ ᒑ ᐅᔑᐦᐋᑭᓂᐧᐃᒡ ᐅᒋᒫᐦᑳᓂᒡ ᑭᔮᐦ ᐅᒋᒫᐦᑳᓂᔑᒡ ᐊᑯᑎᐦ ᑳ ᐧᐋᔮᐱᒥᑯᑦ ᐄᔨᔨᐤ ᒑᐦ ᒌ ᐅᒋᒫᐦᑳᓂᔒᐧᐃᑦ ᓃᔓᐱᐦᐳᓐ ᒫᒃ ᒌᐦ ᐅᒋᒫᐦᑳᓂᔒᔨᐤ ᐊᓂᑎᐦ ᐧᐋᔅᑳᐦᐄᑭᓂᔑᐦᒡ᙮

ᐋᐦ ᒌᔑᓂᒑᔨᓐ ᒨᓱᔮᓐ ᐹᔨᑯᐱᐳᓐ ᐋᐱᑎᓰᑭᑎᒻ ᐊᐧᐋᓐ ᑯᐃᔅᒄ ᒑ ᒌ ᐃᐦᑐᑎᒄ ᐅᑖᐱᓰᐧᐃᓐ ᐋᐅᒄ ᐆ ᒑ ᐧᐄᐦ ᒥᓂᐦᐧᐋᒻ ᐅᐲᐧᐄᐦ ᑭᔮᐦ ᐱᒦ ᑭᔮᐦ ᒑ ᐧᐄᐦ ᐊᑯᐦᒋᒥᑦ ᐊᓐ ᒨᓱᔮᓐ ᒑ ᒌ ᒥᓂᐱᔨᒡ ᐅᐲᐧᐄᐦ ᐊᑎᑎᐤ ᑭᔮᐦ ᒑ ᐧᐄᐦ ᔒᐱᐦᐊᒻ ᒨᓱᔮᓐ ᑭᔮᐦ ᒑ ᐧᐄᐦ ᑳᔅᒑᑭᐦᐄᔨᓐ ᐋᐅᒄ ᒫᐦᒋᒡ ᒑ ᐊᐧᑳᐱᓯᒻ ᐊᓐ ᒨᓱᔮᓐ᙮

Preparing a Moose Hide for Tanning takes a full year, depending on the seasons, and involves removing the furskin, scraping the fur and fat, soaking in solution, stretching, hang drying, freeze drying, scraping some more, stretching some more, drying some more, and finally preparing dry wood to smoke the hide at its final stage.

ᑭᕐᑏ ᑖᐃᒥᓐ ᐃᓯᓂᐦᑳᓲ᙮ ᐊᓂᑖᐦ ᒋᓄᔖᐅᓰᐲᐦᒡ ᑳ ᐃᔑᓂᐦᑳᑖᔨᒡ ᐊᑯᑖᐦ ᐊᓂᑖᐦ ᑳ ᐱᒫᑎᓰᑦ ᐹᔔᒡ ᐄᔅᒣᓂᐦᒡ᙮ ᒥᓃ ᑲᑎᐹᐃᑎᒃ ᐱᓘᐧᐹᐃ ᒌᐦ ᐃᓯᓂᐦᑳᓱᔨᐤᐦ ᐅᑳᐧᐄ᙮ ᓃᐧᔖᐤ ᒌ ᐅᓈᐹᒥᔨᐤᐦ᙮ ᓂᒧᐃ ᒋᔅᒋᓰᐦᑐᑎᐧᐋᐤ ᐅᐦᑖᐧᐄᐦ ᓂᔥᑐ ᒌᐦ ᐃᐦᑎᐦᑐᐳᐧᓈᓯᐤ ᐋᑳ ᐅᐦᒋ ᐱᒫᑎᓯᔨᒡ᙮ ᐅᒧᔓᒻ ᑭᔮᐦ ᐅᐦᑯᒻ ᐊᐅᑯᓐ ᑳ ᐱᒥᓂᑯᑦ ᓂᔮᔪ ᑳ ᐃᐦᑎᐦᑐᐳᐧᓈᓯᑦ᙮ ᒑᕐᓖ ᐃᕐᓕᔅ ᒌ ᐃᓯᓂᐦᑳᓱᔨᐤᐦ ᐅᒧᔓᒻ ᐊᑯᐦ ᓭᕌᐦ ᑳ ᓯᓂᐦᑳᓱᔨᒡ ᐅᐦᑯᒻ᙮ ᓘᒃ ᑖᐃᒥᓐ ᒌ ᐃᓯᓂᐦᑳᓱᔨᐤᐦ ᐅᓈᐹᒻ᙮ ᓂᔮᔪᒥᑎᓅᓂᔥᑐᐱᐳᓐᐦ ᒌᐦ ᐧᐄᒋᒥᐦᑐᐧᐃᒡ᙮ ᑯᐧᑖᔥᒡ ᒌᐦ ᐃᐦᔮᐧᐋᒡ ᐊᐧᐋᔑᔑᒡ, ᓈᐤ ᐃᔥᐧᑳᔑᔑᒡ ᐊᑯᐦ ᓃᔓ ᓈᐹᔑᔑᒡ᙮ ᓃᔓᔖᑉ ᐃᐦᑎᐦᔓᐧᐃᒡ ᓅᔑᒥᔑᓈᓂᒡ ᐊᑯᐦ ᒫᒃ ᓃᔥᑎᓅᐹᔨᒄ ᐋᐦ ᐃᐦᑎᐦᔑᒡ ᐅᒑᐹᓂᒥᔑᐧᐋᐤᐦ᙮

ᐅᒋᐧᑳᒋᒑᓅᒡ ᐃᐦᐄᐲ ᑭᔮᐦ ᐋᐦ ᐧᑳᐱᐦᐄᒑᒡ ᐊᔪᐧᐃᒄ ᐆ ᒑᐧᑳᓐ ᐋᐦ ᐋᐱᒋᐦᑖᒡ ᒑ ᒌ ᒦᒋᓲᒡ ᐊᐧᐋᓂᒌᒡ ᑭᔮᐦ ᐋᐦ ᐹᔨᑯᑖᐅᓰᐧᐃᒡ᙮ ᐊᓂᑖᐦ ᐧᐄᓂᐹᒄ ᓈᔥᑖᐧᐹᐦ ᒥᔑᑭᒫᐤ ᑭᔭᐦ ᒥᐦᒋᔥᑎᐧᑳᔮᐤ ᐧᒫᐦᒡ ᓅᑎᒫᓵᓈᓂᐦᒡ ᑭᔮᐦ ᕉᐯᕐᑦ ᓰᐲ ᐊᑯᑖᐦ ᑳ ᒌᐦ ᒫᒨᐧᐄᐦᒡ ᑳ ᐹᔨᑯᑖᐅᓰᐧᐃᒡ᙮

Fishing is a traditional method using gill nets by a lake or scooping them out of the river to feed families and individuals. In this region of James Bay, it is known for its huge rivers, such as the Smoky Hill rapids and the Rupert River, where families gather every year to fish.

ᑭᓛᐃᒦ ᐱᓛᑭᓀᑦ ᐧᐄᔥᒌ ᐃᓯᓂᐦᑳᓲ᙮ ᐊᓂᑖᐦ ᒨᔅ ᕚᒃᑎᕇ ᒋᔅᑯᑎᒫᓯᐤ᙮ ᐧᑖᐦᒦ ᐱᓛᑭᓀᑦ ᒌᐦ ᐃᓯᓂᐦᑳᓱᔨᐤᐦ ᐅᐦᑖᐧᐄᐦ᙮ ᐊᑯᐦ ᐅᑳᐧᐄᐦ ᒣᕇ ᐧᒫᕆᓯᓐ ᒌᐦ ᐃᓯᓂᐦᑳᓱᔨᐤ ᑭᔨᐹ ᐋᔥᑯ ᐋᑳ ᐅᐦᒋ ᐅᓈᐹᒥᔨᒡ᙮ ᐹᔨᑯᔖᑉ ᐃᑎᐦᔑᔨᐤᐦ ᐅᑎᐊᐧᐋᔑᔒᒻ, ᓃᔓᔖᑉ ᒌᐦ ᐃᐦᔮᐧᐋᐧᐃᒡ ᐹᔨᒄ ᒌᐦ ᐧᐃᓂᐦᐋᒡ ᓈᐹᔑᔥ᙮ ᓂᔮᔪ ᒌᐦ ᐃᐦᔮᐧᐋᐧᐃᒡ ᓈᐹᔑᔑᒡ ᐹᔨᒄ ᑳ ᐧᐃᓂᐦᐋᒡ ᒌᐦ ᐊᐱᔒᔑᔨᐤᐦ ᐋᔪᐦᑯᓐ ᐊᓂᔮᐦ ᑳ ᐊᐧᐋᔒᐧᐃᒡ᙮ ᐊᑯᐦ ᓃᐧᔖᔥᒡ ᐋᐦ ᐃᑎᐦᔑᒡ ᐊᓂᔮᐦ ᐋᐦ ᐃᔥᐧᑳᔒᐧᐃᒡ᙮ ᐧᒑᓃ ᐧᐄᔥᒌ ᒌᐦ ᐃᓯᓂᐦᑳᓯᔨᐤᐦ ᐅᓈᐹᒻᐦ ᐊᐅᒄ ᐅᔥᑖᐦ ᓂᔥᑐᐱᐳᓐᐦ ᑳ ᐃᔥᐱᔥ ᓂᑭᑎᐦᑯᑦ᙮ ᑯᐧᑖᓱᒥᑎᓅᓈᐅᐱᐳᓐᐦ ᒌᐦ ᐧᐄᒋᒥᑐᐧᐃᒡ ᑳ ᓃᔓᑳᐳᐧᐃᒡ᙮ ᓈᒥᑎᓅᓂᑯᐧᑖᔥᒡ ᐃᐦᑎᐦᔑᔨᐤᐦ ᐅᐧᐃᔑᒥᔥ᙮ ᓂᒧᐃ ᓂᐦᐋᐤ ᒋᔅᒑᔨᒫᐤ ᑖᓐ ᐋᐦ ᐃᐦᑎᐦᔑᒡ ᓂᒑᐹᓂᒻᐦ ᐅᔑᐦᑖᐦ 100 ᑭᔨᐹ ᐃᑎᐦᔑᔨᐤᐦ᙮ ᐊᑯᐦ ᒫᒃ ᒦᓐ ᐊᓂᔮᐦ ᐅᑎᐋᓂᔅᑯᒑᐹᓂᒻ᙮ ᓂᒧᐃ ᒋᔅᒑᔨᒫᐤ ᑖᓐ ᐋᐦ ᐃᑎᐦᔑᒡ ᐊᓂᐦᐋᐤ᙮

ᑎᐹᒋᒧᐧᐃᓐᐦ ᐊᓂᑖᐦ ᓅᐦᒋᒦᐦᒡ ᐋᐦ ᐧᐄᐦᑎᒫᒑᔨᒡ ᐧᐄᓂᐹᑰ ᐄᔨᔨᐅᒡ ᑳ ᐱᒫᑎᓰᔨᒡ ᐊᓂᑖᐦ ᐧᐄᓂᐹᑯᐦᒡ ᑭᔮᐦ ᐋᐦ ᐧᐄᐦᒌᒡ ᐊᓂᑖᐦ ᐱᑯᑎᔅᑭᒥᒡ᙮ ᐧᐃᔨᐧᐄᑎᒥᐦᒡ ᐋᐦ ᐱᒫᑎᓯᐦᐆᒡ ᐋᐧᐋᓐ ᐋᐦ ᐱᒧᐦᑖᒡ ᑭᔮᐦ ᒑᐦᑭᐦᐧᐋᐅᓵᒫᒡ ᑭᔮᐦ ᐱᒥᔥᑳᒡ ᒫᒫᐦᒡ ᐃᔅᐱᐦᑖᔮᒡ ᐋᐅᒄ ᐅᔮᐦ ᑳ ᐄᔑ ᐱᒫᑎᓰᔨᒡ ᐋᐧᐋᓂᒌᒡ ᐋᐦ ᒌ ᑯᐧᑳᒋᐦᐋᔨᒡ ᒑ ᒌ ᒥᔪᐱᔨᒡ ᐊᓂᑖᐦ ᐅᔅᑎᔅᑭᒥᒡ ᐋᐦ ᐱᒫᑎᓰᔨᒡ᙮

Stories From Living on the Land are tales from the coast, where Cree who were born and raised in their bush camps spent their whole lives in the wilderness. The outdoor adventures of trekking, snowshoeing, or paddling through the seasons can become rough and survival is essential for a successful journey with Mother Nature.

ᐦᐁᓕᓐ ᐱᓛᑭᓀᑦ ᐦᐁᔅᑎᕐ ᐃᓯᓂᐦᑳᓲ᙮ ᐙᔅᑳᐦᐄᑲᓂᔥ ᐅᐦᒌᐤ᙮ ᒑᕐᓖ ᐱᓛᑭᓀᑦ ᐃᓯᓂᐦᑳᓱᔨᐤᐦ ᐅᐦᑖᐧᐄᐦ᙮ ᑖᐃᓈ ᒉᐃᑭᑉ ᒌᐦ ᐃᓯᓂᐦᑳᓱᔨᐤᐦ ᐅᑳᐧᐄ ᐋᔥᒄ ᐋᑳ ᐅᐦᒋ ᓃᔑᑳᐳᐧᐃᔨᒡ᙮ ᒌ ᓃᔓᔨᐤᐦ ᒫᒃ ᐅᐧᐄᒋᔖᓂᔥ ᑖᐱᔥᑯᓐ ᒌᐦ ᓈᐹᐅᔨᐤᐦ ᐊᑯᐦ ᒥᒄ ᑳ ᐹᔨᑯᔑᑦ ᐋᐦ ᐃᔥᐧᑳᔑᐅᑦ᙮ ᓂᒧᐃ ᓂᐦᐋᐤ ᒋᔅᒑᔨᒫᐤ ᑖᓐ ᑳ ᐃᑎᐦᔑᒡ ᐧᐄᒋᔖᓂᔥ ᒥᐦᒑᑐ ᓂᒧᐃ ᐅᐦᒋ ᐱᒫᑎᓰᔨᐤᐦ᙮ ᒥᒄ ᓈᔥᑖᐧᐹᐦ ᒌ ᐋᔨᒥᓐ ᐅᑖᐱᑎᓰᐧᐃᓐ ᐦᐁᓕᓐ ᒥᒄ ᐧᐋᓯᓐ ᒌᐦ ᐹᔨᑯᔑᐤ ᐋᐦ ᐃᔥᐧᑳᔑᐧᐃᑦ᙮ ᒥᓯᐧᐋ ᒑᐧᑳᔨᐤ ᑖᓐ ᐋᐦ ᐊᑎ ᐃᐦᑖᐱᑎᓰᑦ ᐊᐧᐋᓐ ᐋᔪᐧᐃᒄ ᑳ ᒌ ᐄᐦᑖᐱᑎᓰᑦ᙮ ᓈᔥᑖᐧᐹᐦ ᒌᐦ ᔮᔨᒥᓯᐤ ᒫᐧᑳᒡ ᑳ ᐹᒋ ᐅᔅᒋᓃᒋᔅᐧᑳᐅᑦ᙮ ᒨᔥ ᐅᓃᒋᐦᐄᒄ ᒌᐦ ᐧᐄᒋᒫᐤ᙮ ᐲᐦᐄᒻ ᓃᔥᑎᓅᓂᔮᔪ ᑳ ᐃᐦᑎᐦᑐᐳᐧᓈᓯᑦ᙮ ᐃᔥᑯᑎᒃ ᑳ ᓃᔓᑳᐳᐧᐃᑦ ᐊᑯᐦ ᐃᐦᔮᒄ ᑳ ᓂᑭᑖᑦ ᐅᓃᒋᐦᐄᒄ᙮ ᑳ ᐧᐄᒋᒫᑦ ᐅᓈᐹᒻ ᒫᓪᑭᒻ ᐦᐁᔅᑎᕐ᙮ ᓂᓈᐦᑭᐤ ᒫᒃ ᐋᐦ ᐃᔑᓈᐦᑯᓯᔨᒡ ᐊᐧᐋᓰᓯᔅ ᒌᐦ ᓂᐱᐦᐋᔨᐤᐦ ᒫᓪᑭᒻ᙮ ᐧᐋᐳᔥ ᐱᔮᐤ ᒥᔥᑎᑯᐦᔮᐤ ᑭᔮᐦ ᒫᒃ ᐊᒥᔅᒄ ᑭᔮᐦ ᐋᐦ ᐱᐳᓃᐦᒡ ᑳ ᒌᐦ ᐱᒋᔅᑎᐦᐋᐧᐃᒡ᙮

Cree School Board


Telephone: 418-923-2764
Toll Free: 1-866-999-2764

View More

Admin Office Hours
Monday - Wednesday: 8:30 a.m. to 5:00 p.m.
Thursday: 8:30 a.m. to 4:30 p.m.
Friday: 8:30 a.m. to 3:00 p.m.

Employees
E-You (intranet)
Email (Office 365)
Office 365

Login

You don't need to login here unless the Web Designer tells you to do so.