Skip to main content

ᐄᓅᐧᐁᐦᑕᒧᐧᐃᓐ - ᐆᒉᐳᑯᒨ

Traditional Teachings - Oujé-Bougoumou

ᐋᐦ ᒌᔑᓂᒑᔨᓐ ᒨᓱᔮᓐ ᐹᔨᑯᐱᐳᓐ ᐋᐱᑎᓰᑭᑎᒻ ᐊᐧᐋᓐ ᑯᐃᔅᒄ ᒑ ᒌ ᐃᐦᑐᑎᒄ ᐅᑖᐱᓰᐧᐃᓐ ᑭᔮᐦ ᐋᐅᒄ ᒫᐦᒋᒡ ᒑ ᐊᐧᑳᐱᓯᒻ ᐊᓐ ᒨᓱᔮᓐ᙮ ᐆᔮᐦ ᐃᐦᑐᑕᒻ ᒑᐧᑳᔪ ᓈᐅᔥ ᒋᑭ ᑭᓂᐧᐋᔨᐦᑎᒻ ᐊᐧᐋᓐ ᐄᔨᔨᐅᐃᔨᐦᑎᐧᐃᓂᔨᐤ᙮

Moose Hide Preparation and Preserving Our Culture are both essential parts that work together to ensure that tasks in the bush are completed successfully. The preparation of a moose hide takes a whole year, depending on the seasons, and several steps until the final stage of smoking the hide with dry wood. This is a method used in preserving and strengthening the Cree culture. 

ᐦᐋᑏ ᒫᕐᒃ ᐧᐋᐹᐦᒌ ᐃᓯᓇᐦᑳᓲ᙮ ᐧᒑᕐᒡ ᐧᐋᐹᐦᒌ ᒌ ᐧᐄᒋᒫᐤ ᐦᐋᑏ ᐊᓂᑖᐦ ᒫᒃ ᒥᔅᑎᓯᓃᐦᒡ ᐊᑯᑖᐦ ᑳ ᓃᔓᑳᐳᐧᐃᒡ᙮ ᒌᐦ ᒥᐦᒑᑎᑐᐧᐃᒡ ᑳ ᓃᔓᑳᐳᐧᐃᒡ ᒌ ᐃᐦᐆ᙮ ᐅᔥᑭᒡ ᑳ ᓃᔓᑳᐳᐧᐃᒡ ᐧᒑᕐᒡ ᐧᕌᐅᐲ ᑲᓂᕐᐦ ᐅᑎᔅᒌᔨᐦᒡ ᐊᑯᑖᐦ ᐊᓂᑖᐦ ᑳ ᒌ ᐃᔑ ᑯᔅᐱᐦᒡ᙮ ᓂᒧᐃ ᐅᐦᒋ ᐃᐦᔮᐧᐋᒡ ᐊᐧᐋᔑᔑᒡ ᐹᔨᑯᐱᐳᓐᐦ ᒌ ᐃᐦᐆ ᐦᐋᑏ ᐹᑎᔥ ᒦᓐ ᐊᓂᑖᐦ ᐹᔨᑯᐱᐳᓐᐦ᙮ ᓃᐧᔖᔥᒡ ᒫᒃ ᒌ ᐃᑎᐦᔑᔨᐤᐦ ᐅᑎᐧᐋᔑᔒᒥᐧᐋᐤᐦ ᓈᐅᔨᐤᐦ ᐋᐦ ᓈᐹᔑᐧᐃᔨᒡ ᐊᑯᐦ ᒫᒃ ᓂᔥᑐ ᐃᔥᐧᑳᔑᔥᐦ᙮ ᓂᔥᑐᔖᑉ ᐃᑎᐦᔑᔨᐤᐦ ᐅᐧᐃᔑᒥᔑᔥᐦ ᐹᔨᑯᔑᔨᐤᐦ ᐅᑖᓂᔅᑯᑖᐹᔑᔨᒻᐦ᙮ ᐊᓅᐦᒡ ᒫᒃ ᐦᐋᑏ ᑳ ᐃᔑ ᒌᔑ ᐋᐱᑎᓰᑦ ᐊᓂᑖᐦ ᒋᔖᔨᔨᐅᑭᒥᑯᐦᒡ᙮ ᓄᐧᐃᒡ ᒥᐧᔮᔨᐦᑎᒻ ᓅᐦᒋᒦᐦᒡ ᐋᐦ ᐃᐦᑖᑦ᙮ ᒥᓯᐧᐋ ᐋᐦ ᐃᐦᑏᐦᑐᐧᐋᑭᓂᐧᐃᔨᐦᒡ ᒨᓱᔮᓐ ᐋᐦ ᒥᔪᐦᑭᐧᐋᑭᐧᐃᔨᐦᒡ ᐋᔅᑭᐤ ᐋᔪᐧᐃᒄ ᐋᐦ ᐃᔨᐦᑖᐱᑎᓰᑦ ᑭᔮᐦ ᐋᐦ ᑭᔅᒋᐧᑳᓱᐧᐃᑦ ᑭᔮᐦ ᐋᐦ ᒥᔪᐦᑭᑭᓂᐧᐃᔨᒡ ᐄᔨᔨᒦᒋᔨᐤᐦ᙮ ᓈᔥᑖᐧᐹᐦ ᒥᐧᔮᔨᐦᑎᒻ ᐋᐦ ᓅᑯᐦᑖᑦ ᑭᔮᐦ ᐋᐦ ᒋᔅᑯᑎᒧᐧᐋᑦ ᐊᐧᐋᔑᔥᐦ ᒑ ᒌ ᒋᔅᑯᑎᒫᓱᐧᐃᒡᐦ ᐄᔨᔨᐤ ᐊᔨᐦᑐᐧᐃᓂᔨᐤ ᐦᐋᑏ᙮

ᐋᐦ ᐅᐦᐱᓂᐦᑖᐅᒋᐧᐃᒡ ᑭᔮᐦ ᐋᐦ ᐋᐦᑎᐱᐧᐃᒡ ᐊᐅᒄ ᐋᐦ ᐧᐄᐦᑎᒫᒑᔨᒡ ᓅᐦᒋᒦᐅᐄᔨᔨᐅᒡ ᑳ ᐱᒫᑎᓰᔨᒡ ᐊᓂᑖᐦ ᓅᐦᒋᒦᐦᒡ ᑭᔮᐦ ᐋᐦ ᐧᐄᐦᒌᒡ ᐊᓂᑖᐦ ᐱᑯᑎᔅᑭᒥᒡ᙮ ᐧᐃᔨᐧᐄᑎᒥᐦᒡ ᐋᐦ ᐱᒫᑎᓯᐦᐆᒡ ᐋᐦ ᐱᒥᔥᑳᒡ ᒫᒫᐦᒡ ᐃᔅᐱᐦᑖᔮᒡ ᐋᐅᒄ ᐅᔮᐦ ᑳ ᐄᔑ ᐱᒫᑎᓰᔨᒡ ᐋᐦ ᒌ ᑯᐧᑳᒋᐦᐋᔨᒡ ᒑ ᒌ ᒥᔪᐱᔨᒡ᙮

Our Own Upbringings and the Move are tales from inland, where Cree born and raised in their bush camp spent their lives in the bush. Paddling during certain seasons becomes the norm.

ᒣᕇ ᒥᔮᓂᔅᑯᒻ ᐧᐹᐅᓴᒻ ᑭᔮᐦ ᑖᓂᔨᓪ ᐧᐹᐅᓴᒻ ᐃᓯᓂᐦᑳᓱᐧᐃᒡ᙮ ᒥᔅᑎᓯᓃᐦᒡ ᐅᐦᒌᐤ ᒣᕇ ᐊᑯᐦ ᑖᓂᔨᓪ ᐅᒉᐳᑲᒨᐦᒡ ᐧᐋᐦᒌᑦ ᐧᐄᐦ᙮ ᒌᐦ ᓃᔓᑳᐳᐧᐃᒡ ᐊᓂᑖᐦ ᒥᔅᑎᓯᓃᐦᒡ᙮ ᐅᔥᑭᒡ ᒫᒃ ᑳ ᓃᔓᑳᐳᐧᐃᒡ ᐊᓂᑖᐦ ᒫᒃ ᓈᒋᐦᑖᔫ ᓵᑭᐦᐄᑭᓐ ᑳ ᐃᔑᓂᐦᑳᑖᔨᒡ ᐊᑯᑖᐦ ᐊᓂᑖᐦ ᑳ ᐧᐄᒋᐦᒡ ᓅᐦᒋᒥᔨᐦᒡ ᐋᐦ ᐃᔑ ᑯᔅᐱᒡ᙮ ᒨᔥ ᒫᒃ ᒌ ᐱᒥᔥᑳᐧᐃᒡ ᐊᓂᑖᐦ ᒥᔅᑎᓯᓃᐦᒡ ᐋᐦ ᐅᐦᒋ ᒋᐦᒋᒫᐦᒡ ᒫᓐ ᒑᒃ ᑳ ᐱᒥᐦᔮᒥᑭᓂᔨᒡ ᒌ ᐋᐱᐦᒋᑖᐧᐃᒡ ᐊᓂᑖᐦ ᔑᐳᑭᒨᐦᒡ ᐋᐦ ᐅᐦᒋ ᐅᐦᐱᐦᐅᐧᐃᒡ ᒌ ᐃᐦᐆ ᒣᕇ᙮ ᐸᔨᑯᔥᑖᐤ ᒫᒨ ᒌ ᐃᐦᑎᔑᔨᐤᐦ ᐅᑎᐧᐋᔑᔒᒥᐧᐋᐤᐦ᙮ ᒣᕇ ᒌ ᐃᐦᐆᐤ ᒌᐦ ᐃᔑᓂᑳᑖᑭᓂᐤ ᐃᔅᐧᑳᐤ ᓈᔥᒡ ᓲᐦᒃ ᐋᐦ ᒌ ᐋᐱᑎᓯᑦ ᓅᐦᒋᒦᐦᒡ ᐋᐦ ᐃᐦᑖᑦ ᑭᔮᐦ ᐅᑎᐧᐋᔑᔒᒻᐦ ᐋᐦ ᐃᐦᑖᔨᒡᐦ ᐋᐦ ᐱᒥᓈᑦ ᐅᑎᐧᐋᔑᔒᒻᐦ ᐋᐦ ᐊᒥᐦᒑᓂᔨᒡᐦ ᐅᒑᐧᑳᓂᒥᔨᐤᐦ ᐋᐦ ᒋᔥᑖᐹᐅᒑᑦ᙮ ᐊᓅᐦᒡ ᒫᒃ ᐊᑯᑖᐦ ᐊᓂᑖᐦ ᐅᒉᐳᑯᒨᐦᒡ ᐊᑯᑖᐦ ᐧᐋᒋᑦ ᒣᕇ᙮ ᒥᔑᑳᒫᐦᔮᐅᐲᓯᒻ (ᐱᓈᔅᒌᐅᐲᓯᒻ) 26, 2020 ᑳ ᐃᒋᔥᑖᔨᒡ ᐊᔅᒌᐅᐊᒋᐦᑖᓱᐧᐃᓂᔨᐤ ᑳ ᐴᓂᐱᒫᑎᓰᑦ ᑖᓂᔨᓪ᙮