Skip to main content

Survival and Responsibilities are relied from food, water, shelter, fresh air, and roles in the camp. Cree roles might alter according to the season, and these roles must be followed to survive. 

ᐧᑖᒥᔅ ᑰᓐ ᐃᓯᓂᐦᑳᓯᐤ ᒥᔅᑖᓯᓃᐦᒡ ᐅᐦᒌᐤ᙮ ᐧᒑᕐᒡ ᒌ ᐃᓯᓂᐦᑳᓲᔨᐤᐦ ᐅᐦᑖᐧᐄᐦ ᐊᑯᐦ ᒫᑮ ᑳ ᐃᓯᓇᐦᑳᓱᐧᐃᒡᐦ ᐅᑳᐧᐄᐦ᙮ ᒌ ᓃᐧᓵᓱᐱᐳᐧᓈᓯᐤ ᐧᐋᐦᔨᐤ ᑳ ᐃᑎᔑᐦᐧᐋᑭᓂᐧᐃᑦ ᒨᒃ ᓂᔮᔪᐱᐳᓐᐦ ᒌ ᐃᔥᐱᔥ ᓂᑑ ᒋᔅᑯᑎᒧᐧᐋᑭᓅ ᐊᑯᐦ ᐧᐄᐱᒡ ᑳ ᐅᑎᓂᑯᑦ ᐅᓃᒋᐦᐄᒄᐦ ᓅᐦᒋᒦᔨᐦᒡ ᓂᑑᐦᐅᐧᐃᓂᐦᒡ ᑳ ᐃᔑ ᒋᔅᑯᑎᒫᓱᑦ᙮ ᐧᒑᐅᓯᕖᓐ ᐃᓯᓂᐦᑳᓲᔨᐤᐦ ᐅᐧᐄᒋᒫᑭᓐᐦ᙮ ᓂᔮᔪ ᒌᐦ ᐃᐦᑎᔑᔨᐤᐦ ᐅᑎᐧᐋᔑᔑᔒᒧᐧᐋᐤᐦ ᐋᐦ ᓈᐹᔑᔒᐧᐃᔨᒡᐦ ᓃᐧᓵᔥᒡ ᒫᒨ᙮ ᒌᐦ ᓃᔑᔨᐤᐦ ᐃᔥᐧᑳᔑᔥᐦ᙮ ᐹᔨᒄ ᐃᔥᐧᑳᔑᔥ ᒌᐦ ᐧᐃᓂᐦᐋᐅᒡ ᑭᔮᐦ ᐹᔨᒄ ᓈᐹᔑᔥᐦ ᑭᔮᐦ ᐃᐦᑖᔨᐤᐦ ᑭᔮᐦ ᐅᔑᒥᔥᐦ᙮ ᓅᐦᒋᒦᐦᒡ ᒫᒃ ᒌᐦ ᐃᐦᑖᐧᐃᒡ ᐋᐦ ᑯᔅᐱᒡ ᐅᐧᐄᒋᒫᑭᓐᐦ ᐊᑯᐦ ᐋᐦ ᒥᔫᔅᑭᒥᔨᒡ ᑳ ᒌᐦ ᐹᒋ ᓈᓯᐹᐦᐋᒡ᙮

Food preservation & weather reading are both examples of traditional knowledge, which is used to protect food from spoiling due to the environment or to keep a watch on the weather.

ᒣᕇ ᓃᐧᐹᐦᔥ ᓯᐧᐋᓘ ᐃᓯᓇᐦᑳᓲ᙮ ᒥᔅᑎᓯᓃᐦᒡ ᒌᐦ ᐱᒫᑎᓰᐤ᙮ ᐊᑯᑎᐦ ᑭᔮᐦ ᐅᑎᐦ ᒥᔥᑎᓯᓃᐦᒡ ᑳ ᓃᔓᐧᑳᐳᐧᐃᑦ᙮ ᐅᐧᐄᒋᒫᑭᓐ ᐁᐃᐱᓪ ᓯᐧᐋᓘ ᓂᐦᐋᐤ ᐋᐦ ᑎᐱᔥᑭᒥᔨᒡᐦ᙮ ᓂᒧᐃ ᒋᔅᒋᓯᐤ ᑖᓐ ᓂᐦᐋᐤ ᑳ ᐃᑎᔥᑖᔨᒡ ᐊᔅᒌᐅᒋᔅᑖᓱᐧᐃᓂᔨᐤ᙮ ᓃᐧᓵᔅᒡ ᒌᐦ ᐊᔮᐧᐋᐧᐃᒡ ᐊᐧᐋᔑᔥᐦ ᒥᒄ ᓂᔥᑎᔨᐤᐦ ᐊᑯᐦ ᔖᔥ ᓈᐤ ᓇᒧᐃ ᒌᐦ ᐅᐦᒋ ᐱᒫᑎᓯᔨᐤᐦ᙮ ᑳ ᓃᔓᑳᐳᐧᐃᑦ ᒫᒃ ᐊᑯᐦ ᐅᐦᐱᐦᐆᐲᓯᒻ (ᑳᒌᑰᔅᐱᓈᓂᐧᐃᐦᒋᐲᓯᒻ) ᐊᑯᑎᐦ ᒨᔥ ᑳ ᒌᐦ ᑯᔅᐱᔅᐱᒡ᙮ ᐊᓂᑖᐦ ᐅᐧᐄᒋᒫᑭᓐᐦ ᐁᐃᐱᓪ ᓯᐧᐋᓘᐦ ᐅᓂᑑᐦᐅᔅᒌᔨᒡᐦ ᐊᑯᑖᐦ ᑳ ᐃᐦᑖᑦ᙮ ᒌᐦ ᐱᒥᔥᑳᓂᐧᐃᔨᐤ ᒫᒃ ᑳ ᑯᔅᐱᐦᐋᒡ ᐊᐃᔨᐤ ᑳᐱᒥᔥᑳᒥᑲᑭᓂᔨᒡ ᑳᐦ ᓃᔓᑳᑖᔮᔨᒡ ᒌᐦ ᐊᔮᔫᐦ ᐅᐧᐄᒋᒫᑭᓐᐦ ᐁᐃᐱᓪ᙮ ᓂᐧᐃᒡ ᓈᐅᔥ ᒌᐦ ᐃᐦᑎᔒᐦᑳᓱᓈᓂᐤ ᐋᔅᑰᐦ ᒫᓐᐦ ᒌᐦ ᐊᑎ ᐃᐦᑖᐤ ᒦᒋᒥᔨᐤᐦ ᐋᐦ ᓂᐱᐦᑖᑭᓂᐧᐃᔨᒡ ᑳ ᒌᐦ ᓃᒫᐧᐃᓂᐦᑳᓱᐧᐃᑦ ᒨᒃ ᐋᐦ ᐃᔑᓈᐦᑯᓂᔨᒡ ᐊᒥᔅᒄᐦ ᑭᔮᐦ ᓂᒫᔅᐦ ᐋᐦ ᓂᒫᔥᑖᑯᐦᑳᓱᐧᐃᑦ᙮ ᐋᔅᑭᐤ ᒌᐦ ᓅᐦᑖᐱᐳᓂᐦᐄᑭᓂᐆ ᐹᑎᔥ ᑳ ᒌᐦ ᐅᑖᒥᐦᐧᐋᑭᓂᐧᐃᑦ ᒥᔅᑯᒦᐦ ᐋ ᒌᐦ ᐅᔮᔅᑭᑎᓂᔨᒡ ᓈᑖᐦ ᐋᐦ ᐊᑎ ᐹᔓᓈᐦᑯᓂᔨᒡ ᐋᐦ ᐃᐦᑖᑦ᙮ ᐊᐅᒄ ᐊᓐ ᐋᑳ ᐅᐦᒋ ᒥᔪᒌᔑᑳᒡ ᐋᐦᒌ ᒥᒋᒌᔑᑳᒡ ᐋᐦ ᐱᒥᔥᑳᓂᐧᐃᐦᒡ᙮ ᐹᑎᔥ ᒫᒃ ᐋᐦ ᒥᔫᔅᑭᒥᔨᒡ ᐃᐦᔮᒄ ᑳ ᒌᐦ ᒥᔑᑳᒡ᙮

Use of Trees, Dwellings and Bones is a multi-teaching on the many sorts of trees used for various purposes, the various forms of dwellings used in the bush, and the various types of bones used for either food or medicinal purposes.

ᒣᕇᐋᓐ ᓘᓐ ᐧᓛᓐᒑᑉ ᐃᓯᓇᐦᑳᓲ ᒥᔅᑎᓯᓃᒡᐦ ᐅᐦᒌᐤ᙮ ᓅᐦᒋᒦᐦᒡ ᒌᐦ ᐱᒫᑎᓰᐤ ᓂᒋᑯᓐ ᑳ ᐃᔑᓂᐦᑳᑌᔨᒡ᙮ ᓈᔥᑖᐧᐹᐦ ᒫᐧᑳᒡ ᒌ ᑎᐦᑳᔮᔨᐤ ᒫᐦᑮᐦᒡ ᐋᐦ ᒌ ᐃᐦᑖᑦ᙮ ᐱᕐᑏ ᐧᓛᓐᒑᑉ ᒌᐦ ᐃᓯᓇᐦᑳᓲᔨᐤᐦ ᐅᓈᐹᒻ᙮ ᓃᐧᓵᔥᒡ ᓈᐹᔑᔥᐦ ᒌᐦ ᐃᐦᔮᐧᐋᐤ ᐊᑯᐦ ᓂᔥᑐ ᐃᔥᐧᑳᔑᔥᐦ ᑳ ᐃᐦᔮᐧᐋᑦ᙮ ᐧᒑᕐᒡ ᓘᓐ ᒌ ᐃᓯᓇᐦᑳᓲᔨᐤᐦ ᐅᐦᑖᐧᐄᐦ ᐊᑯᐦ ᔖᕐᓕᑦ ᒋᒥᑭᓐ ᑳ ᐃᓯᓇᐦᑳᓱᔨᒡᐦ ᐅᑳᐧᐄᐦ᙮

ᐃᔥᑯᑎᒃ ᑳ ᒥᑖᐦᑐᐱᐳᐧᓈᓯᑦ ᑳ ᐅᑎᓈᑭᓂᐧᐃᑦ ᐧᐋᐦᔨᐤ ᑳ ᓂᑑ ᒋᔅᑯᑎᒧᐧᐋᑭᓂᐧᐃᑦ ᐊᓂᑖᐦ ᒨᔅ ᕚᒃᑎᕇ᙮ ᓂᔥᑐᐱᐳᓐᐦ ᒫᒃ ᒨᒃ ᒌᐦ ᓂᑑ ᒋᔅᑯᑎᒧᐧᐋᑭᓂᐤ ᐧᐄᐱᒡ ᑳ ᓂᔥᑐᐦᔖᐱᐳᐧᓈᓯᑦ ᑳ ᐅᑎᓂᑯᑦ ᐅᓃᒋᐦᐄᒄᐦ ᑳ ᑯᔅᐱᑎᐦᐋᑭᓂᐧᐃᑦ ᓅᐦᒋᒦᐦᒡ᙮ ᐹᑎᒫᐦ ᒫᒃ ᒌ ᓂᓯᑐᐦᑎᒻ ᒑᐧᑳᔨᐤ ᐧᐄᐱᒡ ᐧᐋᐦᒋ ᒌᐦ ᐅᑎᓈᑭᓂᐧᐃᑦ ᒫᐧᑳᒡ ᑳ ᒋᔅᑯᑎᒫᓱᐧᐃᑦ ᐋᐅᒄ ᐅᔮᐦ ᐅᓃᒋᐦᐄᒄᐦ ᑳ ᐅᒋᔅᑯᑎᒫᒑᓰᒥᑦ ᐊᓂᑖᐦ ᐃᔑ ᓅᐦᒋᒦᐅᐱᒫᑎᓰᐧᐃᓂᔨᐤ᙮ ᒥᐧᔮᔨᐦᑎᒻ ᒣᕇᐋᓐ ᐋᐦ ᐃᐦᔮᑦ ᑭᔅᒋᐦᐅᐧᐃᓂᔨᐤ ᐊᓂᑖᐦ ᓅᐦᒋᒦᐅᐱᒫᑎᓰᐧᐃᓂᒡ ᒑ ᒌ ᐃᔑ ᐋᓂᔅᒑᓂᒫᒑᑦ᙮

Story of my Father’s Jacket is about a man who recalls his time hunting with his father and the lessons he learned on their trip to their camp.

ᐁᐃᐱᓪ ᓯᐧᐋᓘ ᐃᓯᓂᐦᑳᓲ ᓈᐅᔥᐧᑳᔥᑳᐦᒡ ᐊᑯᑖᐦ ᑳ ᐱᒫᑎᓰᑦ᙮ ᐊᑯᑖᐦ ᐅᑎ ᒥᔥᑎᓯᓃᐦᒡ ᑳ ᓃᔓᑳᐳᐧᐃᑦ᙮ ᓃᐧᓵᔅᒡ ᒌ ᐊᔮᐧᐋᐧᐃᒡ ᐊᐧᐋᔑᔑᔥᐦ ᒥᒄ ᓂᔥᑎᔨᐤᐦ ᔖᔥ ᓈᐤ ᓂᒧᐃ ᒌᐦ ᐅᐦᒋ ᐃᐦᑖᔨᐤᐦ᙮ ᐃᔥᑯᑎᒃ ᑳ ᓃᔓᑳᐳᐧᐃᑦ᙮ ᐊᑯᐦ ᑳ ᑯᔅᐱᑦ ᐁᐃᐱᓪ ᑳ ᒌᐦ ᑯᔅᐱᓈᓂᐧᐃᐦᒋᐲᓯᒻ ᐊᑯᑎᐦ ᒨᔥ ᑳᐦ ᑯᔅᐱᓈᓂᐧᐃᐦᒡ ᐊᓂᑎᐦ ᑳ ᒌᐦ ᐃᐦᑖᔨᒡ ᓂᒋᑯᓂᐦᒡ ᐃᐦᑖᒑ ᐊᑯᑎᐦ ᑳ ᐃᔑᒋᒫᑦ᙮ ᒌᐦ ᐱᒥᔥᑳᐤ ᑳ ᑯᔅᐱᐦᐋᒃ᙮ ᑳᐱᒥᔥᑳᒥᑭᓂᔨᒡ ᑳ ᓃᔓᑳᑖᔮᒡ ᑳ ᐃᔑᓂᐦᑳᑖᔨᒡ ᔖᔥ ᒌ ᐃᐦᔮᐤ ᐋᔥᒄ ᐋᑳ ᐅᐦᒋ ᓃᔓᑳᐳᐧᐃᑦ᙮ ᓅᐦᒡ ᓈᐅᔥ ᒌᐦ ᐃᐦᑎᔒᐦᑳᓯᐤ᙮ ᐋᐦ ᐱᒥᔥᑳᓂᐧᐃᒡ ᒫᓐ ᐋᔅᑭᐤ ᒌᐦ ᓅᐦᑖᐱᐳᓂᐦᐋᒻ ᐋᐦ ᒥᒋᒌᔑᑳᔨᒡ ᐹᑎᔥ ᑳ ᒌᐦ ᐅᑖᒥᐦᐋᑦ ᒥᔅᑯᒦ ᐊᓂᑖᐦ ᒋᐦᒋᐧᐋ ᐧᐋᐦᔨᐤ ᐋᐦ ᐊᑎ ᐃᐦᑖᑦ ᐹᔓᒡ ᐊᓂᑖᐦ ᒑ ᑎᐧᑳᒋᐦᑖᑦ᙮ ᐹᑎᔥ ᒫᒃ ᐋᐦ ᒥᔫᔅᒥᒦᒡ ᐊᑯᐦ ᐃᐦᔮᒄ ᒦᓐ ᑳ ᒥᔑᑳᑦ᙮

Snowshoe weaving, dwellings & loss of our language is a multi-teaching on how to make different sizes of snowshoes, the many types of dwellings used in the bush, and the consequences of not using the language at home.

ᒣᕇ ᒥᔮᓂᔥᑭᒻ ᔑᐦᑳᐱᔨᐤ ᐃᓯᓂᐦᑳᓲ ᐊᑯᑎᐦ ᐅᑎᐦ ᒥᔅᑎᓯᓃᐦᒡ ᐧᐋᐦᒌᑦ ᑭᔮᐦ ᐊᑯᑎᐦ ᐅᑎᐦ ᑳ ᐱᒫᑎᓰᑦ᙮ ᓵᒥᔨᓪ ᒥᔮᓂᔥᑭᒻ ᒌ ᐃᓯᓇᐦᑳᓲᔨᐤᐦ ᐅᐦᑖᐧᐄᐦ ᐊᑯᐦ ᐅᑳᐧᐄᐦ ᐯᓛᒥᓐ ᐱᓛᑭᓯᒥᕪ ᒌᐦ ᐃᓯᓇᐦᑳᓲᔨᐤᐦ᙮ ᒌᐦ ᐧᐄᔓᒫᑭᓂᐤ ᑳ ᓃᔓᑳᐳᐧᐃᑦ ᒣᕇ ᓂᒧᐃ ᒥᐦᑐᓐ ᐅᐦᒋ ᒌᐦ ᐅᒋᒫᐅᑐᑖᓯᐤ ᒥᐦᑐᓐ ᑖᑭᔥ ᒌᐦ ᐧᐄᔓᒫᑭᓂᐤ᙮ ᐧᐃᓕᔨᒻ ᔑᐦᑳᐱᔫ ᐃᓯᓇᐦᑳᓲᔨᐤᐦ ᐅᐧᐄᒋᒫᑭᓐᐦ ᓂᒧᐃ ᐅᐦᒋ ᐅᒋᔅᒑᔨᒫᐤ ᐊᐧᐋᔨᐤᐦ ᑳ ᐧᐄᐦᑯᒋᐦᐋᔨᒡᐦ ᐧᐃᓕᔨᒻᐦ ᒑ ᒌᐦ ᐧᐄᒋᒥᒫᑦ ᒫᔥᑯᒡ ᐊᓂᔮ ᐹᑎᓃᔥ ᑭᔮᐦ ᐋᐄᓯᒃ ᔑᐦᑳᐱᔨᐤ᙮ ᐹᔨᑯᔖᑉ ᒌ ᐃᔮᐧᐋᐧᐃᒡ ᐊᐧᐋᔑᔥᐦ ᐹᔨᑯᔥᑖᐤ ᐱᒫᑎᓰᔨᐤᐦ ᓂᔥᑐ ᓂᒧᐃ ᐅᐦᒋ ᐃᐦᑖᔨᐤᐦ ᐃᔥᐧᑳᔑᔥᐦ ᐹᔨᒄ᙮ ᐊᑯᐦ ᒫᒃ ᓃᔓ ᓈᐹᔑᔥᐦ ᒌ ᐃᔮᐧᐋᐧᐃᒡ᙮ ᓂᔮᔪᔨᐤᐦ ᓈᐹᔑᔥᐦ ᐊᑯᐦ ᓈᐅᔨᐤᐦ ᐃᔥᐧᑳᔑᔥᐦ᙮ ᒥᐧᔮᔨᐦᑎᒻ ᑭᔨᐹ ᐋᔥᑯ ᐋᐦ ᑭᓇᐧᐋᔨᒥᑯᑦ ᒋᔖᒥᓂᑑ ᐊᓅᐦᒡ ᑳᒌᔑᑳᔨᒡ᙮ ᐊᓂᑖᐦ ᐋᑎᑯᑎᓈᐦᒡ ᐊᑯᑎᐦ ᑳ ᐃᔑ ᑯᔅᐱᑦ ᒣᕇ ᐅᓈᐹᒻᐦ ᐧᐃᓕᔨᒻᐦ ᐅᓂᑑᐦᐅᔅᒌᔨᐤ᙮ ᒌ ᐱᒥᔥᑳᓂᔨᐤ ᐋᔥᒄ ᒣᕇ ᑳ ᑯᔅᐱᐦᐋᒃ ᐋᔥᒄ ᓂᒧᐃ ᐅᐦᒋ ᐋᐱᒋᐦᑖᐤ ᑳ ᐱᐹᒥᐦᔮᒥᑭᓂᔨᒡ᙮ ᐹᔨᑯᐲᓯᒻᐦ ᒑᑳᑦ ᒌᐦ ᐃᐦᑎᔒᐦᑳᓯᐤ ᐋᐦ ᒥᔪᒌᔑᑳᔨᒡ ᒨᒃ ᒌ ᐱᒥᔥᑳᐤ ᑭᔮᐦ ᒨᒃ ᑳ ᓃᔓᑳᑖᔮᔨᒡ ᒌ ᐃᐦᔮᐅᒡ ᑳ ᐱᒥᔥᑳᒥᑲᐧᐋᒑᓂᐧᐃᒡ᙮ ᒌᐦ ᐱᒧᐦᐅᑖᑭᓂᔨᐤ ᒦᒋᒥᔨᐤ ᐋᐦ ᑯᔅᐱᓈᓂᐧᐃᔨᒡ ᐊᑯᐦ ᒫᒃ ᓈᔥᒡ ᑳ ᐱᓰᓈᓂᐧᐃᔨᒡ ᑭᔮᐦ ᒫᒃ ᒌᐦ ᒥᐧᔮᔨᐦᑎᒻ ᒣᕇ ᐋᐦ ᓅᐦᒋᒦᐅᐱᒫᑎᓰᑦ ᑭᔮᐦ ᐋᐦ ᓂᑑᐦᐅᑦ᙮