ᐄᓅᐧᐁᐦᑕᒧᐧᐃᓐ - ᐙᐸᓅᑖᐤ
Traditional Teachings - Eastmain
ᒋᔖᔨᔨᐅᒡ ᐋᐦ ᒋᔅᒋᓄᐦᐋᒫᒑᒡ ᐊᔪᐧᐃᒄ ᐆ ᒑᐧᑳᓐ ᐋᐦ ᒋᔥᑎᒫᐧᐃᒡ ᒑ ᒌ ᒋᔅᑯᑎᒫᓲᔨᓐ ᓂᔒᔫ ᒋᔅᑯᑎᒫᒑᐧᐃᓐ ᐊᐧᐋᓐ᙮ ᐧᐄᐧᐋᐤ ᐱᒋᔅᑎᓂᒥᐦᒡ ᐅᑎᐹᒋᒧᐧᐃᓐᐦ ᐅᑭᒑᐦᑖᐧᐋᔨᐦᑎᒧᐧᐃᓐᐦ ᐅᑖᐧᐹᔮᔨᐦᑎᒧᐧᐃᓐᐦ ᑭᔮᐦ ᑕᓂᑖᐦ ᒑ ᒌ ᐄᔑ ᐱᒫᑎᔔᒡ ᐋᐧᐋᓐ ᐊᓂᑖᐦ ᐱᑯᑎᔅᑭᒥᒡ᙮ ᒋᔖᔨᔨᐅᒡ ᐋᐦ ᐧᐄᐦᑎᒫᒑᒡ ᑭᔮᐦ ᐅᑎᔨᒧᐧᐃᓇᐧᐋᐤ ᒋᔅᒋᓄᐦᑎᐦᐄᐧᐋᔨᒡ ᐊᔪᐧᐃᒄ ᐅᔮᐦ ᐋᐦ ᐋᐱᒋᐦᑖᒡ᙮
Learning From Elders is important for both traditional and knowledge education. They offer history, wisdom, culture, beliefs, and survival skills in the bush through oral tradition and guidance.

ᒉᐃᒦ ᒨᓯᔅ ᐃᓯᓂᐦᑳᓲ᙮ ᐯᓛ ᒨᓯᔅ ᐃᓯᓂᐦᑳᓲᔨᐤᐦ ᐅᑳᐧᐄᐦ᙮ ᒉᐃᒥᔅ ᔑᐦᑳᐱᔨᐤ ᐃᓯᓂᐦᑳᓲᔨᐤᐦ ᐅᐦᑖᐧᐄᐦ᙮ ᐅᐦᑯᒻᐦ ᑭᔮᐦ ᐅᒧᔓᒻᐦ ᒌ ᐱᒥᓂᑭᐤ᙮ ᓂᔮᔫ ᐃᑎᐦᔑᔨᐤᐦ ᐅᑎᐧᐋᔑᔒᒻᐦ ᓂᔥᑎᔨᐤᐦ ᐅᑖᓂᔅᐦ ᓃᔑᔨᐤᐦ ᐅᐧᐹᔨᒥᔥᐦ᙮ ᓂᓈᐦᑭᐤ ᑮᐹ ᒑᐧᑳᔨᐤᐦ ᒌᐦ ᒋᔅᑯᑎᒫᑭᐤ ᐅᐦᑯᒻᐦ ᑭᔮᐦ ᐅᒧᔓᒻᐦ᙮ ᓂᒧᐃ ᒥᒄ ᐊᓂᑖᐦ ᓂᑑᐦᐆᓈᐦᒡ ᑭᔮᐦ ᓂᓈᐦᑰ ᑎᐹᒋᒧᐧᐃᓐᐦ ᒌᐦ ᑎᐹᒋᒧᔥᑖᑭᐤ᙮ ᔖᔥ ᓂᔮᔪᔖᑉ ᐱᐳᓐᐦ ᑳ ᐄᔑ ᐃᑖᐱᑎᓰᑦ ᐄᔅᒣᓂᐧᐄᔨᔨᐤᐦ ᐋᐦ ᐋᐱᑎᔒᔥᑎᒨᐧᐋᑦ ᐄᔨᔨᐤ ᐃᐦᑐᐧᐃᔨᐤ ᐋᐦ ᐋᐱᑎᔒᔥᑎᑭᓂᐧᐃᔨᒡ᙮ ᐋᔥᒄ ᐋᑳ ᐅᐦᒋ ᐃᔨᐦᑖᐱᑎᓰᑦ ᐅᔮ ᒌᐦ ᐧᐄᒋᐦᐄᐧᐋᐤ ᐊᓂᑖᐦ ᐄᔅᒣᓂᐧᐄᐅᓰᐲᐦᒡ ᐋᐦ ᓈᓈᐦᑑᒋᔅᒑᔨᐦᑎᑭᓂᐧᐃᔨᒡ ᐋᔥᒄ ᐋᑳ ᐅᐦᒋ ᐊᔅᒋᐳᑖᑭᓂᐧᐃᒡ ᐊᔅᒌᔨᐤ᙮ ᒉᐃᒦ ᒥᐧᔮᔨᐦᑎᒻ ᐋᐦ ᐧᐄᐦᒋ ᐋᐱᑎᓰᒫᑦ ᐅᔅᒋᓃᒋᐤᐦ ᑭᔮᐦ ᒋᔖᔨᔨᐤᐦ᙮ ᑭᔮᐦ ᒥᐧᔮᔨᐦᑎᒻ ᐋᐦ ᐧᐋᐱᒫᑦ ᐅᔅᒋᓃᒋᐤᐦ ᐋᐦ ᒋᔅᑯᑎᒫᓱᐧᐃᔨᐦᒡ ᐄᔨᔨᐤ ᐄᐦᑐᐧᐃᓂᔨᐤ᙮ ᐋᐦ ᐱᒥᐱᒋᓈᓂᐧᐃᔨᒡ ᑭᔮᐦ ᐋᐦ ᐱᒥᔥᑳᓂᐧᐃᔨᒡ ᐊᓂᑖᐦ ᐄᔨᔨᐤ ᐊᔅᒌᐦᒡ ᐋᐦ ᐃᐦᑖᔨᐦᒡ ᐅᔅᒋᓃᒋᐤᐦ ᐊᑯᑎᐦ ᒦᓐ ᓈᔥᒡ ᒥᐧᔮᔨᐦᑎᒃᐦ ᐋᐦ ᐧᐄᒋᐦᐄᐧᐋᑦ᙮
ᐃᔮᐧᑳᒧᐧᐋᐧᐃᓐ ᑭᔮᐦ ᓂᑑᐦᐆᒋᔅᑯᑎᒫᒑᐧᐃᓐ ᒥᔪᐱᒫᑎᓰᐧᐋᐤ ᐅᔮᔨᐤᐦ ᑯᐃᔅᒄ ᒑ ᒌ ᒋᔅᒑᔨᐦᑎᒄ ᐊᐧᐋᓐ ᐋᐦ ᓂᑑᐦᐆᒡ ᑭᔮᐦ ᒑ ᒌ ᒋᔥᑖᔨᒫᒡ ᒥᓯᐧᐋ ᐊᐅᐦᑳᓐᐦ᙮ ᐊᓐ ᒫᒄ ᒋᔅᒑᔨᐦᑎᒧᐧᐃᓐ ᐋᐅᒄ ᐅᔮᐦ ᑎᐹᔨᐦᒋᒑᐧᐃᓐ ᒑ ᐧᐄᐦ ᒫᑎᓂᐧᐋᔨᓐ ᑭᔮᐦ ᒑ ᐧᐄᐦ ᒋᔥᑖᔨᒥᐦᒡ ᒥᓯᐧᐋ ᐊᐅᐦᑳᓐᐦ ᑭᔮᐦ ᒑ ᐧᐄᐦ ᒋᔥᑖᔨᑎᒻ ᐊᔅᒌ᙮
Safety and Teachings About Hunting is a traditional lifestyle that involves the safety of the hunter and harvesting animals with respect. It also carries important principles such as sharing, sustainable harvesting, and respect for animals and caring the land.

ᓯᓐᑭᓓᕐ ᒨᓯᔅ ᐃᓯᓂᐦᑳᓲ᙮ ᐄᔅᒣᐃᓐ ᐅᐦᒌᐤ᙮ ᐋᓪᕕᕐᑦ ᒨᓯᔅ ᒌ ᐃᓯᓂᐦᑳᓯᐤᐦ ᐅᐦᑖᐧᐄᐦ ᐊᑯᐦ ᐅᑳᐧᐄᐦ ᓘᐧᐄᔅ ᐱᓛᑭᓀᑦ ᒨᓯᔅ ᒌ ᐃᓯᓂᐦᑳᓱᔨᐤᐦ᙮ ᐯᓰ ᑭᓪᐱᓐ ᒨᓯᔅ ᒌᐦ ᐧᐄᒋᒫᐤ᙮ ᒨᔥ ᐧᐋᔅ ᓅᐦᒋᒦᐦᒡ ᒌ ᐄᐦᑖᐤ ᐊᑯᑖᐦ ᑳ ᐅᐦᒋ ᓂᐦᑖᐅᒋᑦ ᐊᓂᑖᐦ ᓅᐦᒋᒦᐦᒡ᙮ ᓂᒧᐃ ᓈᔥᑏᒡ ᐅᐦᒋ ᐋᐱᑎᓰᐤ ᓯᓐᑭᓀᕐ᙮ ᒨᔥ ᓅᐦᒋᒦᐦᒡ ᒌᐦ ᐃᐦᑖᐤ᙮ ᔮᓈᓈᐤ ᐃᑎᐦᔑᔨᐤᐦ ᐅᑎᐧᐋᔑᔒᒻᐦ᙮ ᐋᔥᒄ ᒫᐧᑳᒡ ᒥᓯᐧᐋ ᐱᒫᑎᓰᐅᔨᐤᐦ ᐊᓅᐦᒡ᙮ ᓃᔔᔨᐤᐦ ᓈᐹᔑᔥᐦ ᑯᐧᑖᔥᒡ ᐃᑎᐦᔒᔨᐤᐦ ᐃᔥᐧᑳᔑᔥᐦ᙮ ᒥᐦᒑᑎᔨᐤᐦ ᐅᓯᒻᐦ ᑭᔮᐦ ᐅᒑᐹᓂᒻᐦ᙮
ᑎᐹᒋᒧᐧᐃᓐᐦ ᐊᓂᑖᐦ ᓅᐦᒋᒦᐦᒡ ᐋᐦ ᐧᐄᐦᑎᒫᒑᔨᒡ ᐊᑎᒫᐲᓯᒡ ᐄᔨᔨᐅᒡ ᑳ ᐱᒫᑎᓰᔨᒡ ᐊᓂᑖᐦ ᑭᐹᓈᓂᔅᒌ ᓈᔥᑦ ᐧᐄᓂᐹᑯᐦᒡ ᑭᔮᐦ ᐋᐦ ᐧᐄᐦᒌᒡ ᐊᓂᑖᐦ ᐱᑯᑎᔅᑭᒥᒡ᙮ ᐧᐃᔨᐧᐄᑎᒥᐦᒡ ᐋᐦ ᐱᒫᑎᓯᐦᐆᒡ ᐋᐧᐋᓐ ᐋᐦ ᐱᒧᐦᑖᒡ ᑭᔮᐦ ᒑᐦᑭᐦᐧᐋᐅᓵᒫᒡ ᑭᔮᐦ ᐱᒥᔥᑳᒡ ᒫᒫᐦᒡ ᐃᔅᐱᐦᑖᔮᒡ ᐋᐅᒄ ᐅᔮᐦ ᑳ ᐄᔑ ᐱᒫᑎᓰᔨᒡ ᐋᐧᐋᓂᒌ ᐋᐦ ᒌ ᑯᐧᑳᒋᐦᐋᔨᒡ ᒑ ᒌ ᒥᔪᐱᔨᒡ ᐊᓂᑖᐦ ᐅᔅᑎᔅᑭᒥᒡ ᐋᐦ ᐱᒫᑎᓰᔨᒡ᙮
Stories From Out on the Land are tales from the north, where Cree who were born and raised in their bush camps spent their whole lives in the wilderness. The outdoor adventures of trekking, snowshoeing, or paddling through the seasons can become rough and survival is essential for a successful journey with Mother Nature.

ᐯᓰ ᑭᓪᐱᓐ ᒨᓯᔅ ᐃᓯᓂᐦᑳᓲ᙮ ᐄᔅᒣᐃᓐ ᐆᐦᒋᐤ᙮ ᓈᔅᑎᐧᐋᔅᐧᑳᐦᒡ ᒌᐦ ᐱᒫᑎᓰᐤ᙮ ᐧᐃᓖᔨᒻ ᑭᓪᐱᓐ ᒌ ᐃᓯᓂᐦᑳᓱᔨᐤᐦ ᐅᐦᑖᐧᐄᐦ ᐊᑯᐦ ᐅᑳᐧᐄᐦ ᐦᐋᕇᔨᑦ ᑳ ᐃᓯᓂᐦᑳᓱᐧᐃᒡᐦ᙮ ᓃᔥᑎᓅᑯᐧᑖᔥᒡ ᒌᐦ ᐃᑎᐦᑐᐳᐧᓈᓯᐤ ᑳ ᓃᔓᑳᐳᐧᐃᑦ᙮ ᓯᓐᑭᓓᕐ ᒨᓯᔅ ᐃᓯᓂᐦᑳᓱᔨᐤᐦ ᐅᓈᐹᒻᐦ᙮ ᔮᓈᓈᐤ ᐃᑎᐦᔑᔨᐤᐦ ᐅᑎᐧᐋᔑᔒᒻᐦ᙮ ᐊᔥᒄ ᒥᓯᐧᐋ ᐱᒫᑎᓯᔨᐤᐦ ᐊᓅᐦᒡ᙮ ᓃᔑᔨᐤᐦ ᓈᐹᔑᔥᐦ ᑯᐧᑖᔥᒡ ᐃᑎᐦᔑᔨᐤᐦ ᐃᔥᐧᑳᔥᐦ᙮ ᒥᐦᒑᑎᔨᐤᐦ ᐅᓯᒻᐦ ᑭᔮᐦ ᐅᒑᐹᓂᒻᐦ᙮ ᒨᔥ ᓅᐦᒋᒦᐦᒡ ᒌ ᐃᐦᑖᐤ ᐯᓰ᙮
ᐋᐦ ᑯᓵᐱᐦᑎᒄ ᐋᐧᐋᓐ ᓇᔥᑖᐧᐹᐦ ᒋᔥᑎᒫᐧᐃᓐ ᐋᐦ ᒥᐧᔮᐱᒋᐦᑖᒡ ᐊᓂᑖᐦ ᓂᑑᐦᐅᐧᐃᓐ ᑭᔮᐦ ᒑ ᒌ ᒥᔅᑭᐧᐋᑲᓄᔨᒡ ᐋᐦ ᐧᐃᓂᔑᒡ ᐊᓂᑖᐦ ᐱᑯᑎᔅᑭᒥᒡ ᑭᔮᐦ ᐊᔨᒥᐦᐋᒋᐦᐄᐧᐋᐧᐃᓐ ᐋᐦ ᓅᓯᓈᐦᐋᒃ ᐊᐧᐋᓐ ᒑ ᒌ ᒦᓂᐧᐋᒋᐦᐄᐧᐋᔨᒡ ᑭᔮᐦ ᐧᐄᒋᐦᐄᐧᐋᐱᔨᐤ ᒑ ᒌ ᓅᓯᓈᐦᐊᒃ ᐋᐦ ᒥᐧᔮᔑᔨᒡ ᒫᔅᑭᓂᐤ᙮
Shaking Tent Ceremony is a sacred teaching in which the Cree can learn useful tips for hunting, finding someone who has gotten lost in the bush, healing through prayer, and guiding the camp on its next move.

ᑖᓂᔨᓪ ᐧᒑᕐᒡ ᒨᓯᔅ ᐃᓯᓂᐦᑳᓲ᙮ ᐄᔅᒣᐃᓐ ᐅᐦᒌᐤ᙮ ᐋᓪᕕᕆᑦ ᒌ ᐃᓯᓂᐦᑳᓲᔨᐤᐦ ᐅᐦᑖᐧᐄᐦ᙮ ᓘᐧᐄᔅ ᒌ ᐃᓯᓂᐦᑳᓲᔨᐤᐦ ᐅᑳᐧᐄᐦ᙮ ᕚᐧᓛᕆᓐᔅ ᐃᓯᓂᐦᑳᓲᔨᐤᐦ ᐅᐧᐄᒋᒫᑭᓐᐦ᙮ ᐃᔥᑯᑎᒃ ᑳ ᓃᔓᑳᐳᐧᐃᑦ ᒨᔥ ᓅᐦᒋᒦᐦᒡ ᒌᐦ ᐃᐦᑖᐤ ᑭᔮᐦ ᒫᒃ ᐧᐄᓂᐹᑯᐦᒡ ᑭᔮᐦ ᒌ ᐃᐦᑖᐤ ᐊᑎᐦ ᓰᑯᓃᒡ᙮ ᐹᔨᑯᔥᑖᐤ ᐃᑎᐦᔑᔨᐤᐦ ᐅᑎᐧᐋᔑᔒᒻᐦ᙮ ᒥᐦᒑᑎᔨᐤᐦ ᐆᓯᒻᐦ ᑭᔮᐦ ᐆᒑᐹᓂᒻᐦ᙮ ᐹᔨᑯᔑᔨᐤᐦ ᐅᑖᓂᔅᑯᑖᐹᓂᒻᐦ᙮
ᒥᒄ ᐋᐦ ᓃᐱᓃᒡ ᒌ ᐋᐱᑎᓰᐤ ᑖᓂᔨᓪ᙮ ᒥᔥᑎᑯᓈᐹᐤ ᒌᐦ ᐃᑖᐱᑎᓰᐤ ᐋᐦ ᓃᐱᐦᒡ᙮ ᐋᐅᒄ ᐅᔮᐦ ᑳ ᒋᔅᑯᑎᒫᓱᐧᐃᑦ ᐋᐦ ᒥᔥᑎᑯᓈᐹᐅᓈᓂᐧᐃᒡ᙮ ᑎᐹᒋᒥᐤ ᒫᓐᐦ ᐊᓂᑖᐦ ᐊᔨᒧᐧᐋᔮᐲᐦᒡ᙮ ᓂᔑᔨᔨᐤᐦ ᐋᐦ ᓂᔥᑐᐧᐃᔨᐦᒡ ᐊᑯᑎᐦ ᐋᐦ ᐃᔑ ᐧᐄᒋᐦᐄᐧᐋᑦ ᐋᐦ ᓂᔥᑐᐧᐃᔨᓈᓂᐧᐃᒡ ᑭᔮᐦ ᒫᒃ ᒋᔖᔨᔨᐤᐦ ᐋᐦ ᒫᒨᐧᐃᔨᐦᒡ ᐊᑯᑎᐦ ᐋᐦ ᐃᔑ ᐧᐄᒋᐦᐄᐧᐋᑦ ᐊᓂᑖᐦ ᐄᔅᒣᐃᓐ᙮ ᒑᑳᑦ ᒫᔥᑯᒡ ᓃᔥᑎᐅᐧᐋᐱᐳᓐᐦ ᒌ ᐅᒋᒫᑭᓂᔑᔒᐤ ᐊᓂᑖᐦ ᐅᑎᐦᑖᐧᐃᓂᐧᐋᐦᒡ᙮
ᐋᑎᔫᐦᑳᓐᐦ ᐋᐅᒄ ᐅᔮᐦ ᑎᐹᒋᒧᐧᐃᓐᐦ ᐋᓂᔅᑯᑖᐹᓐᐦ ᐋᐦ ᒌ ᐊᔓᒦᔭᒡ ᐅᐹᔨᑯᑖᓂᓄᐧᐋᐤ ᐋᐦ ᑎᐹᒋᒧᔑᑎᐧᐋᒡ ᐊᔨᒧᐧᐃᓐᐦ ᐋᐦ ᐋᐱᒋᐦᑖᒡ ᑭᔮᐦ ᑖᐧᐋᐦᐄᑭᓐ ᑭᔮᐦ ᐋᐦ ᓂᑭᒧᐦᐧᑖᐤ ᒫᒨ᙮ ᐋᔨᔑᐄᔨᔨᐤ ᑎᐹᒋᒧᐧᐃᓐᐦ ᐧᐄᐦᑖᑯᒡ ᑭᔮᐦ ᑕᓂᑖᐦ ᑳ ᐄᔑ ᒋᐦᒋᐸᔨᒡ ᐊᔅᒌ᙮
Legends are sacred Cree stories passed down through the Elders from generation to generation through oral literature, drumming, and chants, to name a few. Stories of supernatural beings and myths about how Mother Earth came to be.

ᕕᐧᓛᕇ ᒫᕐᒃ ᔅᑑᐧᐃᕐᑦ ᐃᓯᓂᐦᑳᓲ᙮ ᐄᔅᒣᐃᓐ ᐅᐦᒌᐤ᙮ ᐋᓪᕕᕆᑦ ᒨᓯᔅ ᒌ ᐃᓯᓂᐦᑳᓲᔨᐤᐦ ᐅᐦᑖᐧᐄᐦ ᐊᑯᐦ ᐅᑳᐧᐄᐦ ᓘᐧᐄᔅ ᐱᓛᑭᓀᑦ ᒨᓯᔅ ᒌ ᐃᓯᓂᐦᑳᓱᔨᐤᐦ᙮ ᐲᑎᕐ ᒫᕐᒃ ᔅᑑᐧᐊᕐᑦ ᒌᐦ ᐃᓯᓂᐦᑳᓱᔨᐤᐦ ᐅᓈᐹᒻᐦ᙮ ᓂᔥᑐᔖᑉ ᒌᐦ ᐃᑎᐦᔑᔨᐤᐦ ᐅᑎᐧᐋᔑᔑᔒᒻᐦ ᒥᒄ ᒫᒃ ᐹᔨᑯᔥᑖᐤ ᐋᔥᒄ ᐱᒫᑎᓰᔨᐤᐦ᙮ ᒥᐦᒑᑎᔨᐤᐦ ᐅᓯᒻᐦ ᑭᔮᐦ ᐅᒑᐹᓂᒻᐦ ᑭᔮᐦ ᒫᒃ ᐅᑎᐋᓂᔅᑰᒑᐹᓂᒻᐦ᙮
ᐋᔥᒄ ᐋᑳ ᐅᐦᒋ ᐅᓈᐹᒥᑦ ᒨᔥ ᓅᐦᒋᒦᐦᒡ ᒌ ᐃᐦᑖᐤ ᐅᓃᒋᐦᐄᒄᐦ ᐋᐦ ᒌ ᐧᐄᒋᒫᑦ ᑭᔮᐦ ᒫᒃ ᐃᔥᑯᑎᒃ ᑳ ᐅᓈᐹᒥᑦ ᐃᔮᐱᒡ ᒨᔥ ᓅᐦᒋᒦᐦᒡ ᒌ ᐃᐦᑖᐤ᙮ ᓃᔥᑎᓅᓂᔮᔪ ᐱᐳᓐᐦ ᒌ ᒋᔅᑯᑎᒫᒑᐤ ᐄᔨᔨᐅᔨᒧᐧᐃᓂᔨᐤ ᐊᓂᑖᐦ ᐅᒋᔅᑯᑎᒫᒑᐅᑭᒥᑯᐧᐋᐦᒡ ᐊᓂᑖᐦ ᐄᔅᒣᐃᓐ᙮ ᐃᔥᑯᑎᒃ ᑳ ᐴᓂᔨᑦ ᐋᐦ ᒋᔅᑯᑎᒫᒑᑦ ᐊᑯᐦ ᓈᔥᒡ ᑳ ᐃᐦᑖᔨᐦᑎᒃ ᒨᔥ ᓂᑎᐧᐄ ᐋᐦ ᐧᐄᐦ ᐃᐦᑖᑦ᙮